O día 8.6.2022, a comunidade de Benade, propietaria do monte veciñal en man común (MVMC) Cruz e Toire, presentou unha solicitude para que se leve a cabo a corrección de erro na representación gráfica da peza de monte denominado Toire, que non se corresponde coa descrición recollida na carpeta ficha do expediente de clasificación. A dita descrición especifica que Toire, cunha superficie de 2 hectáreas, está situado no suroeste da parroquia de Benade e vén definido como unha continuidade do mesmo monte da parroquia de Santa María de Muxa.
Tendo en conta o anterior, a corrección solicitada tamén afecta o MVMC Xartego, do Medio, Cerro, Guimarei, Outeiro e Toire, de Santa María de Muxa, cuxa comunidade propietaria non está constituída.
O anexo I, ao final deste anuncio, recolle a representación gráfica da corrección proposta.
Mediante este anuncio, ábrese un prazo de 15 días de audiencia aos interesados, no que poderán alegar e presentar os documentos e xustificacións que consideren pertinentes. Para os efectos de coñecer integramente o contido da proposta, durante este prazo, a documentación estará dispoñible no Servizo de Montes de Lugo, sito na rolda da Muralla, 70, baixo 2º, das 9.00 ás 14.00 horas, de luns a venres.
Ao descoñecerse o nome e enderezo dos posibles titulares de dereitos e intereses sobre o referido monte Toire, por medio do presente anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o devandito acordo.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
Lugo, 17 de marzo de 2023
Mª Olga Iglesias Fontal
Xefa territorial de Lugo
