Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida de América, nº 38, 28028 Madrid.

Denominación: soterramento LMT TRO716, CT e CS.

Situación: Vigo.

Características técnicas: liña de media tensión subterránea (LMTS), a 15 kV, con condutor RHZ1, en catro actuacións. A primeira é de 17 metros de lonxitude, coa orixe e final na LMT subterránea TRO716 existente, facendo entrada e saída no centro de transformación proxectado, que substitúe o centro de transformación Paradela-Vigo (36A922). A segunda ten 523 metros de lonxitude, coa orixe na LMT subterránea TRO716 existente e final no centro de seccionamento proxectado. A terceira é de 17 metros de lonxitude, coa orixe no centro de seccionamento proxectado e final na LMT subterránea ao centro de transformación Túnel A Madroa (36PDQ8). A cuarta é de 258 metros de lonxitude, coa orixe no centro de seccionamento proxectado e final no centro de transformación Padín 1 (36CBHM). Centro de transformación (CT), a 400 kVA, con RT de 15 kV/420 V, situado na Subida á Madroa. Centro de seccionamento (CS) 3L, dúas telecontroladas, compactas con corte en SF6, situado nas proximidades do cementerio de Teis. A instalación está situada na estrada á Madroa, no municipio de Vigo (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, nº 43, 36003 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Vicepresidencia Primeira e Consellería de Economía, Industria e Innovación (http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 7 de marzo de 2023

Beatriz López del Olmo
Xefa territorial de Pontevedra

ANEXO

Nº de expediente: IN407A 2023/031-4.

Denominación: soterramento LMT TRO716, CT e CS.

Concello: Vigo.

Nº	Lugar	Cultivo	Referencia catastral	Titular	CT/CS( m2)
1	Cr. Madroa	Urbana	6380203NG2768S0001WB	Descoñecido/a	CT	16,81
2	Pugariño	Monte alto	54057A002004490000AA	Manuel Quinzán Pardo	CS	15,48