De conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas, por descoñecer o lugar de notificación, emprázanse as persoas interesadas que se indican no anexo para notificarlles os actos administrativos ditados no expediente administrativo instruído conforme o disposto no artigo 172.1 do Código civil e demais normas de aplicación, e que figura no dito anexo.
O expediente está á disposición das ditas persoas interesadas ou da persoa que as represente, debidamente acreditada, no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social e Xuventude, na rolda da Muralla, 70, planta baixa, onde, no prazo de dez (10) días hábiles contados desde o día seguinte ao da data de publicación deste anuncio no Boletín Oficial del Estado, poderán comparecer para coñeceren o contido íntegro dos actos administrativos, de luns a venres laborables, das 9.00 ás 14.00 horas, advertindo que, de non o faceren, se considerará efectuada a notificación no momento do vencemento do prazo indicado para comparecer.
Este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.
Advírteselles que o acto de resolución poderá ser impugnado ante o Xulgado de Primeira Instancia desta cidade que por quenda corresponda, no prazo de dous meses desde a súa notificación, efectuada por comparecencia, sen necesidade de presentación de reclamación administrativa previa ante a Consellería de Política Social e Xuventude, segundo o artigo 780.1 da Lei 1/2000, do 7 de xaneiro, de axuizamento civil.
Así mesmo, advírteselles que desde o día seguinte ao da notificación do acto de comunicación do inicio do trámite de audiencia, efectuada por comparecencia, terán dez (10) días hábiles para presentaren as alegacións, suxestións e/ou documentación que xulguen procedente.
Lugo, 28 de febreiro de 2023
Francisco Javier Vázquez Nodal
Xefe territorial de Lugo
ANEXO
Nº de expediente: 2022/170/27.
Persoas interesadas: Fouziya Benfriha e Abdelkader Moujniba.
Actos administrativos que se notifican:
– Resolución de establecemento urxente de medida administrativa do 15 de novembro de 2022.
– Oficio de comunicación do inicio do trámite de audiencia do 15 de novembro de 2022.