Expediente: IN407A 2022/333-1.
Solicitante/promotora: UFD Distribución Electricidad, S.A.
Denominación: LMT, CT e RBT lugar de Porzomillos.
Termo municipal: Oza-Cesuras.
1. Características técnicas:
– Centro de transformación prefabricado de formigón tipo rural fin de liña, compacto de manobra exterior, de 100 kVA de potencia, relación de transformación 15/0,4-0,23 kV e configuración de celas 1L+1P, con cadro de baixa tensión con tres (3) saídas (unha de reserva), para instalar na parcela con referencia catastral 15064A506002470000SX sita no lugar do Caseiro, Porzomillos (concello de Oza-Cesuras).
– Modificación, respectando o seu actual emprazamento, do apoio nº D23-A-25 (matrícula APJ7DXFW) de formigón tipo HV-250/11 pertencente á arquitectura da LMT aérea BEG-707 (expediente 27.066) emprazado entre o CT Graña (expediente IN407A 2008/466-1/matrícula 15A771) e a LMT derivada ao CT Calzada (expediente 52.564/matrícula 15AEE0), consistente na instalación dun paso aéreo-soterrado (PA/S) e de elementos de seccionamento tipo XS.
– Liña eléctrica de media tensión soterrada, a 15 kV, de 255 metros de lonxitude en condutor tipo RHZ1-2OL 12/20 kV 3(1 × 150 mm² Al), coa orixe paso aéreo-soterrado (PA/S) anterior e remate en cela de liña do CT proxectado.
– Reordenación da rede de baixa tensión alimentada actualmente desde o CT Calzada (expediente 52.564/matrícula 15AEE0), que resultará descargado, mediante a instalación de dous (2) circuítos soterrados de baixa tensión (RBTS), de 40 metros de lonxitude, en condutor tipo XZ1 0,6/1 kV 4(1 × 240 mm² Al), coa orixe no cadro de baixa tensión (CBT) do CT proxectado e remate nos pasos soterrado-aéreos (PS/A) proxectados en apoios de formigón nos cales se conectará coa rede aérea de baixa tensión existente, e na desmontaxe de 459 metros de condutor tipo RZ 3(1 × 50/54,6 mm² Al/Alm), 240 metros de condutor tipo RZ 2(1 × 25 mm² Al) e 144 metros de condutor tipo 3(1 × 25/54,6 mm² Al/Alm) que serán substituídos co tendido de 842 metros de lonxitude en condutores tipo RZ 3(1 × 150/80 mm² Al/Alm) e RZ 3(1 × 95/54,6 mm² Al/Alm), incluíndo a implantación de novos treitos de rede. Estas actuacións na rede de baixa tensión implicarán a instalación de once (11) novos apoios de formigón.
2. Lexislación de aplicación:
– Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).
– Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 27 de decembro).
– Resolución do 19 de febreiro de 2014, da Consellería de Economía e Industria, pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
– Lei do 16 de decembro de 1954, sobre expropiación forzosa (BOE núm. 351, do 17 de decembro).
– Decreto do 26 de abril de 1957 polo que se aproba o Regulamento da Lei de expropiación forzosa (BOE núm. 160, do 20 de xuño).
A relación concreta e individualizada dos bens e dereitos afectados que se considera de necesaria expropiación figura no anexo que se xunta ao presente este acordo.
A declaración de utilidade pública, segundo o artigo 56 da Lei 24/2013, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación, para os efectos do artigo 52 da Lei de expropiación forzosa.
A documentación estará á disposición das persoas interesadas nas dependencias da Sección de Enerxía da Xefatura Territorial da Vicepresidencia Primeira e Consellería de Economía, industria e Innovación da Coruña (rúa Vicente Ferrer, núm. 2, 2º andar, 15071 A Coruña), das 9.00 ás 14.00 horas, de luns a venres, así como no Concello. Isto faise público para coñecemento xeral e particular das persoas propietarias dos predios que figuran na relación anexa a este acordo e das persoas titulares de dereitos reais ou intereses económicos, sobre os bens afectados que fosen omitidos.
Poderán examinar a documentación técnica e, de ser o caso, achegar as alegacións ou observacións que consideren axeitadas no prazo de 30 días, contados a partir do día seguinte ao da derradeira publicación deste acordo.
Ademais, poderase consultar no portal web da Vicepresidencia Primeira e Consellería de Economía, Industria e Innovación:
https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-electricas-distribucion-e-transporte
A Coruña, 28 de febreiro de 2023
Isidoro Martínez Arca
Xefe territorial da Coruña
ANEXO
LMT, CT e RBT lugar de Porzomillos
Relación de bens e dereitos afectados-termo municipal de Oza-Cesuras
|
Parcela proxecto |
Propietario/titular |
Referencia catastral |
Lugar |
Afección pleno dominio |
LMT soterrada (servidume de paso de enerxía eléctrica) |
Natureza do terreo |
||
|
CT/nº do apoio |
Superficie (m²) |
Lonxitude (m) |
Superficie (m²) |
|||||
|
1 |
Herdeiros de Jesús María Vázquez e titular descoñecido |
Polígono 506, parcela 247 |
Lugar do Caseiro |
CT e acceso |
16,81 |
Rústico agrario. Labor ou labradío secaño |
||
