De conformidade coa proposta elevada pola Comisión nomeada para xulgar o concurso para a provisión de prazas dos corpos docentes universitarios, convocados mediante a Resolución desta universidade do 2 de decembro de 2022 (BOE do 12 de decembro), e presentada polas persoas interesadas a documentación a que fai referencia a base novena da convocatoria.

Esta reitoría, en uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolve efectuar o nomeamento das persoas que se relacionan no anexo.

Os citados nomeamentos producirán plenos efectos a partir da correspondente toma de posesión polas persoas interesadas, que se deberá efectuar no prazo máximo de 20 días, contados desde o día seguinte ao da publicación desta resolución no Boletín Oficial del Estado.

Contra esta resolución, que pon fin á vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses, contado desde o seguinte ao da súa publicación no Boletín Oficial del Estado, de conformidade co establecido na Lei 29/1998, do 13 de xullo, reguladora da xurisdición contencioso-administrativa. Non obstante, as persoas interesadas poderán interpoñer recurso potestativo de reposición no prazo dun mes, ante o órgano que ditou o acto, sen que neste caso se poida interpoñer o recurso contencioso-administrativo ata que non se dite resolución expresa ou presunta do recurso administrativo de reposición, conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 10 de marzo de 2023

Antonio López Díaz
Reitor da Universidade de Santiago de Compostela

ANEXO

Nº concurso	Nome	Apelidos	DNI	Corpo docente	Área de coñecemento	Departamento	Localidade	Código da praza
8C/23	Avelino	Núñez Delgado	***0410**	Catedrático/a de universidade	Edafoloxía e Química Agrícola	Edafoloxía e Química Agrícola	Lugo	A00685
9C/23	Francisco Santiago	Argüello Pedreira	***4346**	Catedrático/a de universidade	Arquitectura e Tecnoloxía de Computadores	Electrónica e Computación	Santiago de Compostela	A00686
10C/23	David Enrique	Losada Carril	***9702**	Catedrático/a de universidade	Ciencia da Computación e Intelixencia Artificial	Electrónica e Computación	Santiago de Compostela	A00687
11C/23	Pablo	García Tahoces	***6639**	Catedrático/a de universidade	Ciencia da Computación e Intelixencia Artificial	Electrónica e Computación	Santiago de Compostela	A00688
14C/23	José María	Alonso Meijide	***1837**	Catedrático/a de universidade	Estatística e Investigación Operativa	Estatística, Análise Matemática e Optimización	Lugo	A00691
23C/23	María Teresa	Flores Arias	***9977**	Catedrático/a de universidade	Óptica	Física Aplicada	Santiago de Compostela	A00700
29C/23	Celia María	Pombo Ramos	***7108**	Catedrático/a de universidade	Fisioloxía	Fisioloxía	Santiago de Compostela	A00706
34C/23	Beatriz	Magariños Ferro	***5631**	Catedrático/a de universidade	Microbioloxía	Microbioloxía e Parasitoloxía	Santiago de Compostela	A00711
38C/23	María Teresa	Carrillo de la Peña	***7303**	Catedrático/a de universidade	Psicobioloxía	Psicoloxía Clínica e Psicobioloxía	Santiago de Compostela	A00715
39C/23	Francisco	Caamaño Isorna	***8116**	Catedrático/a de universidade	Medicina Preventiva e Saúde Pública	Psiquiatría, Radioloxía, Saúde Pública, Enfermaría e Medicina	Santiago de Compostela	A00716
50C/23	Carlos	Ferrás Sexto	***6945**	Catedrático/a de universidade	Xeografía Humana	Xeografía	Santiago de Compostela	A00727