O día 31 de xaneiro de 2023 a presidenta de Portos de Galicia acordou iniciar o trámite da concesión administrativa solicitada pola Confraría de Pescadores do Barqueiro-Bares no porto do Barqueiro, con destino á ocupación do dominio público portuario en superficie e do edificio da lonxa (12.27.edf.002), de titularidade de Portos de Galicia, para o desenvolvemento das actividades portuarias inherentes á explotación indirecta do servizo de lonxa, de acordo coa solicitude presentada polo concesionario.

O que se fai público, para os efectos previstos no artigo 70 da Lei 6/2017, do 12 de decembro, de portos de Galicia, para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Xefatura da Zona Norte, sitas na rúa Nicomedes Pastor Díaz, nº 13, 27001 Lugo, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia.

Lugo, 20 de febreiro de 2023

Antonio López Fernández
Xefe da Zona Norte