A Xunta de Goberno local, na sesión que tivo lugar o 15 de febreiro de 2023, acordou aprobar inicialmente o documento denominado Estudo de detalle esquina avenida Alcalde Pérez Ardá, r/ Montevideo. Xaneiro 2023, promovido por Residencial Montevideo 2022, S.L. e redactado polos arquitectos Álvaro Fernández Carballada, Beatriz Aneiros Figueira, Álvaro Romero Gil-Delgado e Hugo Romero Novás.

En cumprimento do artigo 80.2 da Lei 2/2016, do 10 de febreiro, do solo de Galicia, e dos artigos 194.2 e 207 do seu regulamento, sométese o expediente a información pública polo prazo dun (1) mes, contado desde o día seguinte ao da última das publicacións deste anuncio no Diario Oficial de Galicia ou nun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará á disposición no taboleiro de anuncios da sede electrónica do Concello, na epígrafe de información urbanística; na web de Urbanismo, na epígrafe exposición pública, e no visor Desenvolvemento do planeamento. Tamén poderá consultarse fisicamente nas dependencias da Área de Urbanismo, Vivenda, Infraestruturas e Mobilidade do Concello da Coruña (praza de Indalecio Prieto, 1-3), das 9.00 ás 13.00 horas, logo de cita que se solicitará por escrito no Rexistro Municipal ou dirixíndose a registrourbanismo@coruna.es

A Coruña, 1 de marzo de 2023

A alcaldesa
P.D. (Decreto 3847/2019, do 27 de xuño)
María Hernández García
Directora da Área de Urbanismo