Anúnciase que a Xunta de Goberno Local, en sesión ordinaria do 19 de xaneiro de 2023, adoptou, entre outros, o seguinte
ACORDO:
20. Aprobación inicial da modificación puntual da unidade de execución número 10 do Plan especial de reforma interior (PERI), Inversiones Inmobiliarias Canvives, S.A.U. (expediente de Planeamento Urbanístico 2020023645).
A Xunta de Goberno Local, de conformidade coa proposta, por unanimidade, acordou:
1. Aprobar inicialmente a modificación puntual do PERI do núcleo histórico de Ourense no ámbito da unidade de execución número 10, por instancia de Inversiones Inmobiliarias Canvives, S.A.U., con NIF A-85527604, representada por Victoria Calvo Carballo, con NIF 02.9.01.723-C, e consonte a documentación que consta no expediente do Servizo de Planeamento núm. 2020023645.
2. Someter a información pública durante un mes, mediante anuncio que se publicará no Diario Oficial de Galicia e nun dos xornais de maior difusión na provincia.
3. Notificar individualmente a todas as personas titulares catastrais dos terreos afectados segundo o recollido no artigo 75.1.a) da Lei 2/2016, do 10 de febreiro, do solo de Galicia.
4. Solicitar das administracións públicas competentes os informes sectoriais e consultas que resulten preceptivos, consonte o establecido no artigo 18 da Lei 1/2019, do 22 de abril, de rehabilitación, rexeneración e renovación urbana de Galicia.
5. Asumir como parte integrante desta resolución tanto o Informe do arquitecto municipal do Servizo de Rehabilitación, VPP e PERIS do 17 de decembro de 2021, como o Informe xurídico, do 21 de marzo de 2022, dos cales se trasladará copia aos interesados para efectos de motivación.
Ourense, 14 de febreiro de 2023
Gonzalo Pérez Jácome
Alcalde presidente