Visto o expediente para outorgamento da autorización administrativa previa e de construción da instalación eléctrica que a continuación se describe:

Solicitante: Begasa.

Domicilio social: rúa Aller Ulloa, 9, 27003 Lugo.

Denominación: novo CT Carballido e as súas LAT.

Situación: concello de Lugo.

Características técnicas principais:

– LAT aérea a 20 kV Nadela dirección CT Carballido, con orixe no apoio existente A35905 e final nun apoio proxectado tipo C-3000-14, cunha lonxitude de 60 metros en condutor tipo LA-56.

– LAT aérea a 20 kV Nadela dirección CT Farxocos, con orixe nun apoio proxectado tipo C-3000-14 e final no apoio existente AV61343, cunha lonxitude de 560 metros en condutor tipo LA-56.

– LAT aérea a 20 kV Nadela dirección CT Luavi, con orixe nun apoio proxectado tipo C-3000-14 e final no apoio existente A84828, cunha lonxitude de 10 metros en condutor tipo LA-56.

– LAT soterrada a 20 kV a LAT particular CT Luavi, con orixe no CT prefabricado Carballido (proxectado) e final no apoio proxectado tipo C-3000-14, cunha lonxitude de 50 metros en condutor tipo HEPRZ1-240 mm.

– LAT soterrada a 20 kV Nadela dirección CT Fazai, con orixe no CT prefabricado Carballido (proxectado) e final no apoio proxectado tipo C-3000-14, cunha lonxitude de 50 metros en condutor tipo HEPRZ1-240mm.

– LAT soterrada a 20 kV Nadela dirección CT Farxocos, con orixe no CT prefabricado Carballido (proxectado) e final no apoio proxectado tipo C-3000-14, cunha lonxitude de 125 metros en condutor tipo HEPRZ1-240mm.

– LAT soterrada a 20 kV a LAT particular CT Urb. Carballido con orixe no CT prefabricado Carballido (proxectado) e final no apoio existente S27451, cunha lonxitude de 48 metros en condutor tipo HEPRZ1-240 mm.

– CT prefabricado Carballido cunha potencia máxima admisible de 630 kVA e unha potencia inicial de 50 kVA, no cal se instalan dúas celas de liña, dúas de interruptor automático e unha de protección, relación de transformación 20.000/400-230 V.

– Desmontaxe do CT Carballido existente e de LAT aérea existente.

Finalidade da instalación: mellora de instalacións.

Orzamento: 127.360,97 euros.

Documentación que se xunta:

– Separata para o Concello da Fonsagrada.

– Separata para a CHMS.

Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece la estrutura orgánica da consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

resolve:

En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución e a dirección de obra deberá levala a cabo un técnico competente.

Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establece a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas da alta tensión e as súas instrucións técnicas complementarias, e o Real decreto 337/2014, de 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente primeiro e conselleiro de Economía, Industria e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 10 de febreiro de 2023

Gustavo José Casasola de Cabo
Xefe territorial de Lugo