Por acordo da Xunta de Goberno Local do día 27 de febreiro de 2023 aprobouse inicialmente o seguinte estudo de detalle:

Tipo de instrumento:	Estudo de detalle
Ámbito:	Parcela lugar da Regueira-Caamouco
Instrumento que desenvolve:	Plan xeral de ordenación municipal de Ares
Obxecto:	Ordenar volumes
Clasificación do solo:	Solo urbano
Cualificación do solo:	Ordenanza 6, edificación extensiva, grao C

De conformidade co artigo 80.2 da Lei 2/2016, do 10 de febreiro, do solo de Galicia, así como no artigo 194.2 do seu regulamento, sométese o expediente a información pública polo prazo dun mes contado desde o día seguinte ao de publicación do presente anuncio no Diario Oficial de Galicia en nun xornal dos de maior difusión na provincia.

Durante o período de información pública, quedará o expediente á disposición de calquera que queira examinalo, para os efectos de que se presenten as alegacións que se consideren pertinentes. Así mesmo, estará á disposición dos interesados na sede electrónica deste concello (enderezo https://concellodeares.com).

Así mesmo, suspéndese o outorgamento das seguintes licenzas nas áreas afectadas polo estudo de detalle e cuxas novas determinacións supoñan modificación do réxime urbanístico vixente, que son as seguintes:

Áreas obxecto de suspensión de licenzas	Tipo de licenza
Parcela catastral 2491008NJ6029S0001LP	Licenza de parcelamento de terreos, edificación e demolición

A duración da suspensión terá unha duración máxima de dous anos. Este prazo interromperase, con levantamento da suspensión, se transcorrido un ano non se somete a exposición pública a proposta de plan.

Se, transcorrido o devandito prazo non se presentaron alegacións, o documento será elevado para a súa aprobación definitiva, se procede.

Ares, 1 de marzo de 2023

Julio I. Iglesias Redondo
Alcalde