Ao non ser posible efectuar a comunicación ao titular da referencia catastral que se relaciona a seguir por causas non imputables a esta administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa, co fin de que no prazo de 15 días, que comezarán a contar desde o día seguinte ao da publicación do presente edicto no Boletín Oficial del Estado, a persoa interesada no procedemento procedan á xestión da biomasa, segundo o establecido nos artigos 135 e 136 da Lei 2/2016, do 10 de febreiro, do solo de Galicia, e 21 da Lei 3/2007, do 9 de abril, de prevención e defensa contra os incendios forestais en Galicia, así como á retirada de especies arbóreas prohibidas a que se refire o artigo 22 da citada lei.

A eficacia do acto notificado quedará demorada ata a publicación do pertinente anuncio no taboleiro de edictos único (TEU) do Boletín Oficial del Estado (BOE).

Así mesmo, ponse en coñecemento das persoas responsable que o contido íntegro das citadas notificacións, así como da totalidade dos expedientes administrativos, está á súa disposición no Departamento de Urbanismo do Concello do Pino, situado no edificio do Concello, rúa do Concello, s/n, 15821, O Pino. Igualmente poderán acceder a través da sede electrónica desta entidade.

Número de expediente	Referencia catastral	Localización	Persoa responsable
1573/2022	2010214NH5511S0001IF	CL Pedrouzo do Pino (A Coruña)	En investigación

O Pino, 30 de xaneiro de 2023

Manuel Taboada Vigo
Alcalde