En cumprimento do establecido no artigo 19 do Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre, faise público que, mediante a Resolución do 8 de febreiro de 2023, se outorga permiso de actividade para a instalación do establecemento de acuicultura en zona terrestre que se describe:
Titular: Seafood Legacy Spain, S.L.U. (B70584768).
Tipo de establecemento: criadeiro e granxa mariña.
Especies autorizadas: femias estériles de salmón atlántico (Salmo salar L, 1758).
Localización: dominio público do porto de Burela (Lugo).
Vixencia: dez (10) anos, prorrogables por iguais períodos, condicionada á vixencia da concesión para a ocupación do dominio público portuario.
O informe de impacto ambiental do proxecto fíxose público mediante o Anuncio do 6 de outubro de 2022, da Dirección Xeral de Calidade Ambiental, Sostibilidade e Cambio Climático, inserido no Diario Oficial de Galicia núm. 193, do 10 de outubro.
Santiago de Compostela, 9 de febreiro de 2023
Antonio Basanta Fernández
Director xeral de Pesca, Acuicultura e Innovación Tecnolóxica