Faise público que, mediante o acordo do Pleno da Corporación Municipal do Concello de Padrón, adoptado na sesión realizada o 24 de novembro de 2022, se aprobou inicialmente o proxecto de expropiación urbanística, polo procedemento de taxación conxunta, para a execución do sistema viario no núcleo de Pedroso (Padrón) e a seguinte relación individualizada de bens e dereitos de necesaria ocupación afectados pola obra:
Predio 1:
Referencia catastral: 15066B506055430001GQ.
Titular: en investigación.
Superficie total do predio: 73 m2.
Superficie expropiada: 73 m2.
Clasificación urbanística: solo de núcleo rural.
Situación básica do solo: urbanizado.
Outros bens afectados: un alpendre de pedra e placa ondulada de fibrocemento (73 m2).
Valoración (solo+edificación+premio de afección): 3.370,30 €.
A partir da publicación deste anuncio no Diario Oficial de Galicia ábrese un período de información ao público dun mes, durante o cal as persoas interesadas poderán formular as observacións ou reclamacións que xulguen convenientes, en particular no que atinxe á titularidade ou valoración dos seus respectivos dereitos.
O proxecto da expropiación poderá consultarse na Secretaría do Concello de Padrón, situado na rúa Longa 27, Padrón, A Coruña, de luns a venres, das 9.00 ás 14.00 horas.
Padrón, 20 de xaneiro de 2023
Antonio Fernández Angueira
Alcalde