Convocada a provisión, polo sistema de libre designación, de dous postos de traballo vacantes na Vicepresidencia Primeira e Consellería de Economía, Industria e Innovación, mediante a Orde de 23 de decembro de 2022 (Diario Oficial de Galicia núm. 4, do 5 de xaneiro), de conformidade co establecido no artigo 92 da Lei 2/2015, de 29 de abril, de emprego público de Galicia, e no artigo 27 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico, e no uso das atribucións conferidas polo artigo 17.2.c) da citada lei,
DISPOÑO:
Primeiro. Adxudicar destino, nos postos de traballo que se indican, ás funcionarias que se relacionan no anexo desta orde, seleccionadas conforme o establecido nas bases da convocatoria realizada pola orde desta consellería do 23 de decembro de 2022.
Segundo. O cesamento no actual destino das funcionarias que obtiveron praza producirase no prazo de tres días, contados a partir do seguinte ao da data da publicación desta orde no Diario Oficial de Galicia.
O prazo para a toma de posesión do novo destino será de tres días hábiles a partir do seguinte ao do cesamento se non implica cambio de residencia ou de sete días hábiles se comporta cambio de residencia. Cando a persoa adxudicataria do posto obteña coa súa toma de posesión o reingreso ao servizo activo, o prazo será dun mes, de conformidade co establecido no artigo 8 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galicia e das entidades públicas instrumentais integrantes do sector público autonómico.
O cómputo dos prazos posesorios iniciarase cando finalicen os permisos ou licenzas que, se é o caso, fosen concedidos as interesadas. Nos supostos de incapacidade temporal, o cómputo do prazo iniciarase a partir da correspondente alta.
Terceiro. A xefatura do centro en que causen baixa as funcionarias, así como a daquel en que obteña destino consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión.
Cuarto. Contra esta orde, que esgota a vía administrativa, as persoas interesadas poderán interpoñer recurso potestativo de reposición perante esta consellería, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 31 de xaneiro de 2023
Francisco José Conde López
Vicepresidente primeiro e conselleiro de Economía,
Industria e Innovación
ANEXO I
Apelidos e nome: López Míguez, Alicia María.
DNI: ***6101**.
Subgrupo: A1.
Corpo/escala: corpo superior da Administración xeral da Comunidade Autónoma de Galicia.
Código de posto: EI.C99.10.000.32001.001.
Denominación do posto: xefe/a territorial.
Nivel: 28.
Dependencia: Xefatura Territorial de Ourense.
Localidade: Ourense.
Apelidos e nome: López del Olmo, Beatriz.
DNI: ***8585**.
Subgrupo: A1.
Corpo/escala: corpo superior, escala superior de estatísticos da Administración xeral da Comunidade Autónoma de Galicia.
Código de posto: EI.C99.10.000.36001.001.
Denominación do posto: xefe/a territorial.
Nivel: 28.
Dependencia: Xefatura Territorial de Pontevedra.
Localidade: Pontevedra.
* O DNI amósase cifrado co fin de protexer os datos de carácter persoal.