De conformidade coa proposta elevada polo tribunal cualificador das probas selectivas convocadas pola Resolución do 25 de marzo de 2021 (Diario Oficial de Galicia do 12 de abril) para cubrir con persoal laboral fixo unha praza da categoría profesional enxeñeiro/a técnico/a industrial, grupo II, unha vez comprobado que a persoa seleccionada reúne os requisitos exixidos na base 2 da convocatoria e de conformidade co disposto no artigo 85.j) dos estatutos da USC,

RESOLVO:

Primeiro. Aprobar a proposta feita polo tribunal cualificador e contratar como persoal laboral fixo, na categoría profesional enxeñeiro/a técnico/a industrial, a persoa que superou o proceso selectivo pola quenda de acceso libre e que se relaciona no anexo desta resolución.

Segundo. A persoa seleccionada formalizará o seu contrato ante o Servizo de Xestión de Persoal, no prazo dun mes contado a partir do día seguinte ao da publicación desta resolución no Diario Oficial de Galicia.

Contra a presente resolución, que esgota a vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Non obstante, as persoas interesadas poderán interpoñer recurso potestativo de reposición no prazo dun mes perante o órgano que a ditou. Neste caso, non se poderá interpoñer o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.

Santiago de Compostela, 11 de xaneiro de 2023

Antonio López Díaz
Reitor da Universidade de Santiago de Compostela

ANEXO

Quenda de acceso libre

Núm. orde	DNI	Apelidos e nome	Código	Denominación e unidade de adscrición do posto	Quenda	Campus	Observacións
1	***9072**	Lamela Formoso,Teodoro	PL000186	Responsable de mantemento. Área de Operacións de Infraestruturas	Mañá Dispoñibilidade horaria	Compostela	Estudos habilitantes exercicio profesión enxeñeiro técnico industrial, especialidades eléctrica, electrónica industrial, mecánica e química industrial