DOG 19 do 27/1/2023 - ANUNCIO da aprobación do proxecto de obras do proxecto básico e de execución da ampliación da vía en Suevos e do inicio do expediente expropiatorio polo procedemento de taxación conxunta por razóns urbanísticas para a obtención dos terreos afectados (expediente 2022/U040/000009).

VI. Anuncios

b) Administración local

Concello de Arteixo

ANUNCIO da aprobación do proxecto de obras do proxecto básico e de execución da ampliación da vía en Suevos e do inicio do expediente expropiatorio polo procedemento de taxación conxunta por razóns urbanísticas para a obtención dos terreos afectados (expediente 2022/U040/000009).

De conformidade co disposto no artigo 118 da Lei do solo de Galicia, comunícase que o 12 de xaneiro de 2023, mediante a Resolución da Alcaldía número 50/2023 foi aprobado o proxecto de obras do proxecto básico e de execución da ampliación da vía en Suevos, redactado polo arquitecto Miguel Ángel Abad Blanco (con núm. de colexiado 1877) e pola enxeñeira de camiños Raquel Vázquez Seoane (con núm. de colexiada 25552) e, inicialmente, o proxecto de expropiación forzosa (taxación conxunta) por razóns urbanísticas para a execución do proxecto aprobado.

Así mesmo, consonte a devandita resolución, procede someter á información pública por período dun mes o referido proxecto mediante a inserción de anuncios no Diario Oficial de Galicia e nun xornal de maior circulación da provincia, así como proceder á notificación individualizada con traslado literal das follas de valoración e da proposta de fixación dos criterios de valoración a todos os que aparezan como titulares de bens e dereitos no expediente, para que poidan formular cantas alegacións e reclamacións consideren oportunas tanto con respecto ao expediente expropiatorio, como á fixación do prezo xusto por idéntico prazo dun mes.

A relación dos bens e dereitos afectados é a seguinte:

Núm.	Ref. catastral	Titularidade	Elemento	Sup. total (m2)	Exprop. def. (m2)
1	15005A088002100000PL	Zas, Dolores	Solo	623	11
2	15005A088002090000PF	Gestal Sánchez, María Carmen Gestal Sánchez, Juana Gestal Sánchez, Olga Gestal Sánchez, José Antonio Gestal Sánchez, María del Mar	Solo	334	8
2	15005A088002090000PF		Almacén tipo hórreo	20	20
3	001310500NH49G0001IR	Souto Pintor, Águeda, Hdos. de Lorenzo Vázquez, Rogelio Souto Couso, María de los Ángeles	Solo	152	13
4	15005A088001410000PY	Souto Pintor, Águeda, Hdos. de Lorenzo Vázquez, Rogelio Souto Couso, María de los Ángeles	Solo	561	9
5	15005A088004200001AX	Concello de Arteixo	Solo	139	139
6	15005A088004210001AI	Souto Lorenzo, Modesto	Solo	171	7
7	15005A088004220001AJ	Doval Vázquez, José Manuel	Solo	104	11
8	15005A088004230001AE	Hros. de Ferreiro Méndez, José	Solo	37	25
9	15005A088004140001AK	Rodríguez Vázquez, Susana Sánchez Martínez, Manuel	Solo	130	6
10	15005A088001890001AO	Sande Martínez, José Luis Sande Martínez, Isidro Sande Martínez, María Olga	Solo	34.258	7

Durante o devandito prazo, as persoas interesadas poderán examinar o seu contido, na sede electrónica do Concello de Arteixo e, presencialmente, nas dependencias municipais do Concello de Arteixo, sitas na travesía de Arteixo, 249, 3º andar, de luns a venres, das 9.00 ás 14.00 horas, co fin de que poidan alegar e presentar os documentos e xustificacións que consideren pertinentes.

Ante a eventualidade de que poidan existir interesados descoñecidos neste procedemento, se ignore o lugar da notificación, ou ben tentada esta non se puidese efectuar, sirva esta de notificación co alcance e coa finalidade previstos no artigo 44 da Lei 39/2015, do procedemento administrativo común das administracións públicas, sen prexuízo da preceptiva publicación no BOE.

Arteixo, 13 de xaneiro de 2023

O alcalde
P.D. (Decreto 1/2023, do 2 de xaneiro)
José Antonio Calvelo Añón
Concelleiro delegado de Medio Urbano