O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Axencia Galega de Innovación nos meses de setembro, outubro, novembro e decembro do ano 2022, que se incorpora no anexo I desta resolución.
Santiago de Compostela, 19 de xaneiro de 2023
Patricia Argerey Vilar
Directora da Axencia Galega de Innovación
ANEXO I
Convenios de colaboración subscritos pola Axencia Galega de Innovación nos meses de setembro, outubro, novembro e decembro de 2022
|
Convenio |
Data de sinatura |
Importe total (€) |
|
Convenio de colaboración entre a Axencia Galega de Innovación, a Universidade de Santiago de Compostela e a Universidade de Vigo para o desenvolvemento do máster en Sistemas Aéreos non Tripulados. |
26.9.2022 |
6.000 € |
|
Convenio de colaboración entre a Axencia Galega de Innovación, a Consellería de Cultura, Educación, Formación Profesional e Universidades, a Universidade de Santiago de Compostela e a Universidade de Vigo para fomentar a actividade investigadora do persoal investigador finalista nas convocatorias de axudas do ERC no marco do programa Horizon Europe. |
26.10.2022 |
199.980 € |
|
Addenda ao convenio de colaboración entre a Axencia Galega de Innovación e a Universidade de Santiago de Compostela para regular as condicións da axuda destinada á actualización e ampliación da Plataforma Innopharma da USC, susceptible de financiamento pola Unión Europea no marco do eixe REACT-UE do programa operativo Feder Galicia 2014-2020, como parte da resposta da Unión Europea á pandemia da COVID-19. |
28.10.2022 |
Sen achega económica |
|
Addenda ao convenio de colaboración entre a Axencia Galega de Innovación e o Instituto Tecnolóxico de Galicia (ITG) para a adquisición de equipamento e desenvolvemento de obra civil para a posta en marcha da infraestrutura de investigación «GALAXY-LAB». |
21.11.2022 |
Sen achega económica |
|
Segunda addenda ao convenio de colaboración entre a Axencia Galega de Innovación, a Universidade de Santiago de Compostela e a Universidade de Vigo para fomentar a actividade investigadora do persoal investigador universitario beneficiario dunha axuda do ERC no marco do H2020. |
23.12.2022 |
32.500 € |
|
Segunda addenda ao convenio de colaboración entre a Axencia Galega de Innovación e a Fundación Pública Galega Centro Tecnolóxico de Supercomputación de Galicia para regular as condicións da axuda destinada ao despregamento dunha infraestrutura baseada en tecnoloxías cuánticas da información que permita impulsar a I+D+i en Galicia, susceptible de financiamento pola Unión Europea no marco do eixe REACT-UE do programa operativo Feder Galicia 2014-2020, como parte da resposta da Unión Europea á pandemia da COVID-19. |
31.12.2022 |
Sen achega económica |
