Para os efectos de darlle cumprimento ao solicitado polo Xulgado do Contencioso-Administrativo número 1 de Santiago de Compostela, en relación co procedemento ordinario 466/2022, interposto pola persoa con DNI 33121726R, contra a resolución ditada polo director da Axencia de Protección da Legalidade Urbanística o 14 de setembro de 2022 (expediente COR/136/2021-RP1), na cal se declara que as obras executadas, consistentes na ampliación da planta baixa do inmoble sito na rúa Caldeirería, número 37, en Santiago de Compostela, sobre o espazo existente entre as unidades edificatorias 4104.01 e 4104.02, non son legalizables por seren incompatibles co ordenamento urbanístico, e ordena a demolición das obras, a reposición dos terreos afectados ao estado anterior ao inicio das obras, por conta dos interesados no prazo de tres meses, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Santiago de Compostela.

Ao non se poder realizar a notificación persoal do emprazamento, mediante esta cédula (que, ao abeiro do disposto no artigo 44 da Lei 39/2015, do procedemento administrativo común das administracións pública-LPACAP, se lle notifica por medio dun anuncio publicado no Boletín Oficial do Estado) se emprazan as persoas con DNI 11804273Y, 33268776N, 33246520C, 33198399S, 33235467F, 44826028V, 44826029H e os herdeiros de Francisco López Landeira para que poidan comparecer como interesados nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 10 de xaneiro de 2023

Jacobo Hortas García
Director da Axencia de Protección da Legalidade Urbanística