Manuel Sánchez-Puelles González de Carvajal, en representación da Asociación Profesional de Oftalmólogos de España, interpuxo recurso contencioso-administrativo, que se tramita como procedemento ordinario 7368/2022, seguido no Tribunal Superior de Xustiza de Galicia, Sala do Contencioso-Administrativo, sección 3.
O recurso contencioso-administrativo diríxese contra a Resolución do 26 de setembro de 2022 da Secretaría Xeral Técnica da Consellería de Sanidade, publicada no DOG do 7 de outubro de 2022, pola que se dá publicidade aos convenios de colaboración subscritos pola Consellería e polo Servizo Galego de Saúde no segundo cuadrimestre do ano 2022, entre os cales se encontran convenios de colaboración subscritos pola Consellería de Sanidade e o Servizo Galego de Saúde con establecementos de óptica para o desenvolvemento do programa Coida os teus ollos, de prevención de problemas visuais.
De conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a través desta resolución notifícase a interposición do dito recurso contencioso-administrativo, para xeral coñecemento de todas as persoas interesadas, que son emprazadas para que poidan comparecer no Tribunal Superior de Xustiza de Galicia no prazo de nove (9) días, contados desde o día seguinte ao da publicación deste anuncio no Diario Oficial de Galicia.
Santiago de Compostela, 13 de xaneiro de 2023
Alberto Fuentes Losada
Secretario xeral técnico da Consellería de Sanidade