DOG 13 do 19/1/2023 - ACORDO do 28 de novembro de 2022, da Zona Centro, polo que se somete a información pública a tramitación dunha concesión administrativa solicitada polo Concello de Ribeira, para a ocupación de superficie de dominio público portuario, para a construción dun centro de deporte náuticos e sede do club de remo náutico, no dominio público portuario de Aguiño (expediente 12-46-22-C-1).

VI. Anuncios

a) Administración autonómica

Portos de Galicia

ACORDO do 28 de novembro de 2022, da Zona Centro, polo que se somete a información pública a tramitación dunha concesión administrativa solicitada polo Concello de Ribeira, para a ocupación de superficie de dominio público portuario, para a construción dun centro de deporte náuticos e sede do club de remo náutico, no dominio público portuario de Aguiño (expediente 12-46-22-C-1).

Está en trámite unha concesión administrativa para a ocupación de superficie no dominio público portuario de Aguiño, de acordo co proxecto básico de escola de deportes náutico de Aguiño-Ribeira, asinado o 17 de xaneiro de 2022, polo arquitecto Manuel J. Domínguez Rodríguez, colexiado nº 4916.

O que se fai público, para os efectos previstos no artigo 70 da Lei 6/2017, do 12 de decembro, de portos de Galicia, (DOG núm. 236, do 14 de decembro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro, sitas na Avenida do Porto, nº 5-1º, 15006 A Coruña, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia. A documentación está á disposición na web www.portosdegalicia.com

A Coruña, 28 de novembro de 2022

Lorena Solana Barjacoba
Xefa da Zona Centro