No Boletín Oficial da provincia da Coruña número 234, do 13 de decembro de 2022, así como no taboleiro de anuncios da sede electrónica do Concello e na páxina web municipal, publicáronse integramente as bases xerais e específicas que rexerán a convocatoria dos procesos selectivos correspondentes ás prazas de estabilización do emprego temporal do Concello de Ames incluídas na oferta de emprego público de 2022, así como a correspondente convocatoria.
O prazo para presentar as solicitudes será de vinte (20) días naturais, contados a partir do día seguinte ao da publicación do anuncio da respectiva convocatoria no Boletín Oficial del Estado (BOE), tal e como establece a disposición décimo primeira das bases da convocatoria.
Os sucesivos anuncios referentes a esta convocatoria, cando proceda de conformidade coas bases, faranse públicos na forma prevista nelas.
Ames, 13 de decembro de 2022
José Blas García Piñeiro
Alcalde