BDNS (Identif.): 664702.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións https://secretaria.uvigo.gal/uv/web/convocatoria/public/show/1036.
Primeiro. Persoas beneficiarias
Alumnado matriculado na Universidade de Vigo en estudos universitarios oficiais de grao, máster e doutoramento de centros propios ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro).
Segundo. Obxecto
O obxecto das axudas é atender as necesidades do estudantado matriculado na Universidade de Vigo en estudos universitarios oficiais de grao, máster e doutoramento de centros propios ou en centros adscritos de titularidade pública que imparten titulacións non impartidas en centros propios (Enfermaría Ourense, Enfermaría Pontevedra e Enfermaría Meixoeiro), que presentan circunstancias económicas ou familiares que lle impidan ou dificulten a continuidade nos seus estudos.
Terceiro. Bases reguladoras
Resolución do 19 de decembro de 2022 pola que se publican as axudas ao estudo propias desta universidade no curso 2022/23.
Cuarto. Contía.
A contía total do crédito destinado a estas axudas será de douscentos mil euros (200.000 €).
Quinto. Prazo de presentación de solicitudes
Desde o 20 de decembro de 2022 ata o 23 de xaneiro de 2023.
Vigo, 19 de decembro de 2022
O reitor da Universidade de Vigo
P.D. (Resolución do 22.6.2022, DOG do 6 de xullo)
Natalia Caparrini Marín
Vicerreitora de Estudantado e Empregabilidade