A Xunta de Goberno Local, na sesión do día 29.11.2022, adoptou, entre outros, o Acordo núm. 20851 polo que se acordou aprobar inicialmente o Plan especial de infraestruturas e dotacións do cemiterio de San Xoán, e continuar os trámites oportunos, polo que se somete á información pública o devandito plan durante o prazo de dous meses, contados desde a publicación deste anuncio no Diario Oficial de Galicia e tamén no xornal Diario de Pontevedra. Durante o devandito prazo de información pública, contado desde a data da última publicación, poderá examinarse o devandito plan no Servizo de Urbanismo, na casa do concello, das 8.00 ás 14.00 horas, previa cita, e poderanse presentar as alegacións que se consideren oportunas.
Poio, 15 de decembro de 2022
Luciano Sobral Fernández
Alcalde