Mediante a Orde do 20 de novembro de 2019 deuse publicidade ás titulacións que permiten a incorporación ás listas de aspirantes a desempeñar postos docentes en réxime de interinidades e substitucións dos corpos de mestres, de profesores de ensino secundario, de profesores técnicos de formación profesional e de profesores de escolas oficiais de idiomas que imparten as ensinanzas reguladas na Lei orgánica 2/2006, do 3 de maio, de educación, en centros docentes desta consellería (DOG núm. 235, do 11 de decembro).
A Orde de 10 de febreiro de 2022 (DOG núm. 35, do 21 de febreiro) modifica o anexo II da Orde do 20 de novembro de 2019 no que se refire á especialidade de Física e Química do corpo de profesores de ensino secundario para incluír a titulación de Enxeñaría de Minas como unha das titulacións que permiten a incorporación ás listas desta especialidade en execución da sentenza firme ditada no procedemento ordinario 322/2020 pola Sala do Contencioso-Administrativo, Sección 1ª, do Tribunal Superior de Xustiza de Galicia.
Así mesmo, incluíronse os títulos de grao correspondentes á dita titulación entre os que figuraban as titulacións de grao en Enxeñaría da Tecnoloxía de Minas e Enerxía, Enxeñaría de Recursos Enerxéticos e Mineiros, Enxeñaría de Recursos Mineiros e Enerxéticos, Enxeñaría de Tecnoloxía de Minas e Enerxía, Enxeñaría dos Recursos Mineiros e Enerxéticos, Enxeñaría en Recursos Enerxéticos e Mineiros e Enxeñaría Mineira e Enerxética.
Pola súa vez, a Orde do 8 de xuño de 2022 (DOG núm. 119, do 22 de xuño) modifica o anexo II da Orde do 20 de novembro de 2019 para incorporar a titulación de grao en Enxeñaría da Enerxía na especialidade de Física e Química do corpo de profesores de ensino secundario.
Así mesmo, analizada a titulación de diplomatura en Óptica e Optometría e o grao en Óptica e Optometría, procede incluír as ditas titulacións, a teor da formación que acreditan, na especialidade de Procedementos de Diagnóstico Clínico e Ortoprotésico (591219) no anexo III da Orde do 20 de novembro de 2019.
Na súa virtude, esta Consellería de Cultura, Educación, Formación Profesional e Universidades
ACORDA:
Primeiro. Modificar o anexo III da Orde do 20 de novembro de 2019 (DOG núm. 235, do 11 de decembro) pola que se dá publicidade ás titulacións que permiten a incorporación ás listas de aspirantes a desempeñar postos docentes en réxime de interinidades e substitucións dos corpos de mestres, de profesores de ensino secundario, de profesores técnicos de formación profesional e de profesores de escolas oficiais de idiomas que imparten as ensinanzas reguladas na Lei orgánica 2/2006, do 3 de maio, de educación, en centros docentes da Consellería de Cultura, Educación, Formación Profesional e Universidades, no que se refire á especialidade 591219: Procedementos de Diagnóstico Clínico e Ortoprotésico, que queda redactado como segue:
591219-Procedementos de Diagnóstico Clínico e Ortoprotésico |
Titulacións |
Licenciatura: |
Bioloxía |
Bioquímica |
|||
Biotecnoloxía |
|||
Ciencia e Tecnoloxía dos Alimentos |
|||
Ciencias Ambientais |
|||
Farmacia |
|||
Medicina |
|||
Odontoloxía |
|||
Química |
|||
Veterinaria |
|||
Diplomatura: |
Enfermaría |
||
Fisioterapia |
|||
Óptica e Optometría |
|||
Terapia Ocupacional |
Grao: |
Bioloxía |
||
Bioloxía Ambiental |
|||
Bioloxía Humana |
|||
Bioloxía Sanitaria |
|||
Biomedicina |
|||
Biomedicina Básica e Experimental |
|||
Bioquímica |
|||
Bioquímica e Bioloxía Molecular |
|||
Bioquímica e Ciencias Biomédicas |
|||
Biotecnoloxía |
|||
Ciencia e Tecnoloxía dos Alimentos |
|||
Ciencias Ambientais |
|||
Ciencias Biomédicas |
|||
Ciencias da Alimentación |
|||
Enfermaría |
|||
Enxeñaría Biomédica |
|||
Enxeñaría da Saúde |
|||
Enxeñaría de Procesos Químicos Industriais |
|||
Enxeñaría de Sistemas Biolóxicos |
|||
Farmacia |
|||
Fisioterapia |
|||
Medicina |
|||
Microbioloxía |
|||
Nutrición Humana e Dietética |
|||
Odontoloxía |
|||
Óptica e optometría |
|||
Química |
|||
Terapia Ocupacional |
|||
Veterinaria |
|||
Xenética |
Segundo. A persoa titular da Dirección Xeral de Centros e Recursos Humanos adoptará todas as medidas que sexan precisas para o desenvolvemento desta orde.
Disposición derradeira única. Entrada en vigor
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 20 de decembro de 2022
Román Rodríguez González
Conselleiro de Cultura, Educación, Formación Profesional e Universidades