En sesión extraordinaria e urxente do Pleno do Concello das Pontes de García Rodríguez, do 15 de decembro de 2022, aprobouse definitivamente a modificación dos plans parciais dos polígonos dos Airíos e de Penapurreira, segundo a documentación que se presentou no Concello o 14.12.2022 (RE núm. 202299900003981), que asina a arquitecta Sonia Romero Teijo, colexiada COAG núm. 1906.
As medidas preventivas que se propoñen para corrixir os efectos negativos no ambiente contéñense nas normas urbanísticas da epígrafe V.
O contido íntegro do texto das modificacións puntuais estará á disposición do público no portal de transparencia da sede electrónica do Concello (https://sede.aspontes.org/opencms/gl/portal_transparencia/).
Contra este acordo pódese interpoñer directamente recurso contencioso-administrativo ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do regulamento de desenvolvemento da citada lei), no prazo de dous meses contados a partir do día seguinte ao da súa notificación ou publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpoñer calquera outro recurso que entendan máis procedente e sexa conforme dereito.
As Pontes de García Rodríguez, 20 de decembro de 2022
O alcalde
P.D. (Decreto 993/2019, do 24 de xuño;
BOP núm. 121, do 28 de xuño)
Antonio Alonso Román
Concelleiro delegado da Área de Urbanismo
e Coordinación do Goberno