Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio infórmase da presentación das follas de valoración da entidade beneficiaria, nos seguintes procedementos expropiatorios: regulamentación LMT LAR 707, apoio 118, no concello de Arteixo, e reglamentación LMTA BEG706 apoio 75-B-7, no concello de Oza-Cesuras, correspondentes aos predios e ás titularidades que se sinalan no cadro anexo que máis abaixo se detalla.
O texto íntegro das referidas follas de valoración atópase ao dispor das persoas interesadas na sede da Xefatura Territorial da Vicepresidencia Primeira e Consellería de Economía, Industria e Innovación da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Expropiacións (solicitando cita previa no teléfono de contacto 981 18 49 11), das 9.00 ás 14.00 horas, de luns a venres. As ditas persoas interesadas disporán dun prazo de dez (10) días, a partir da publicación deste anuncio no Boletín Oficial del Estado, para solicitar a remisión das correspondentes valoracións ao enderezo que sinalen.
Transcorrido o prazo de dez días indicado no parágrafo anterior sen efectuarse a comparecencia, a notificación entenderase producida desde o día seguinte ao vencemento do prazo sinalado para comparecer.
A Coruña, 30 de novembro de 2022
Isidoro Martínez Arca
Xefe territorial da Coruña
ANEXO
Expediente: IN407A 2020/92.
Entidade beneficiaria: UFD Distribución Electricidad, S.A.
Concello: Arteixo.
Predio |
Lugar |
Titularidade proposta |
1 |
Terreo da Braña |
Descoñecida |
Expediente IN407A 2020/43.
Entidade beneficiaria: UFD Distribución Electricidad, S.A.
Concello: Oza-Cesuras.
Predio |
Lugar |
Titularidade proposta |
1 |
Leboreiro |
Descoñecida |