Para os efectos previstos no Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro), faise público que, por espazo de vinte (20) días hábiles contados a partir do día seguinte ao da publicación deste anuncio no Diario Oficial de Galicia, quedará exposto o documento titulado:
– Proxecto básico para a revisión da autorización ambiental integrada da planta de tratamento e envasado de leite e produtos derivados en Outeiro de Rei, Lugo. Rexistro AAI: 2006/0209_NAA/IPPC_128. Expediente: 2020-IPPC-M-37. Xullo de 2022.
Para que calquera interesado poida consultalos e, de ser o caso, formular no citado prazo as alegacións, suxestións ou observacións que considere oportunas, os documentos estarán á disposición dos administrados, en horario de atención ao público, nas seguintes dependencias:
– Dirección Xeral de Calidade Ambiental e Cambio Climático, Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais, poderán acceder a esta información na páxina web da Consellería de Medio Ambiente, Territorio e Vivenda (http://cmatv.xunta.gal>>medio ambiente e sostibilidade >>prevención e control de actividades>>autorización ambiental integrada >>proxectos en información pública).
Santiago de Compostela, 9 de novembro de 2022
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático
ANEXO
Memoria resumo
Clave do expediente: 2020-IPPC-M-37.
Peticionaria: Corporación Alimentaria Peñasanta, S.A.
NIF: A03161270.
Domicilio social: Serra de Granda, s/n, 33199 Siero (Asturias).
Localización da instalación: Robra, Outeiro de Rei, 27154 (Lugo).
Actividade: planta de tratamento e envasado de leite e produtos derivados, englobada no anexo do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación; epígrafe 9.1.c).
Descrición das instalacións: a planta consta de varias zonas de procesamento de produtos lácteos con silos exteriores (recepción, envasado de leite UHT en brik e en botella, extrusión de botella, torre de secado) e instalacións auxiliares (sala de caldeiras, instalación de frío, torres de refrixeración e condensadores, EDARi, ETAP, oficinas, almacéns).
Verteduras:
Os tipos de augas residuais xeradas na instalación clasifícanse en:
– Augas residuais industriais: procedentes de limpeza de liñas e tanques, empuxe de leite e produtos lácteos e baldeo de solos que, xunto coas augas sanitarias de aseos e vestiarios, son tratadas na planta depuradora.
– Augas pluviais: son as augas procedentes de choiva que son recollidas na fábrica e canalizadas ata o seu punto de vertedura final.
– Auga de refrixeración: o proceso de refrixeración funciona en circuíto pechado; os efluentes xerados polas purgas do sistema son tratados na depuradora.
