O Consello Europeo aprobou o pasado 21 de xullo de 2020 o instrumento financeiro NextGeneration EU, que inclúe como elemento central un mecanismo para a recuperación e a resiliencia, e o 27 de abril de 2021, por acordo do Consello de Ministros, aprobouse o proxecto de Plan de recuperación, transformación e resiliencia para España.
No marco do devandito Plan de recuperación, transformación e resiliencia, a Consellería de Promoción do Emprego e Igualdade articulou, entre outros instrumentos xurídicos, programas mediante convenios de colaboración con financiamento da Unión Europea-NextGenerationEU, o que determina a necesidade da súa publicación.
En consecuencia, a través desta resolución, dáse publicidade do convenio de colaboración asinado entre a Consellería de Promoción do Emprego e Igualdade e Asociación Clúster TIC de Galicia para realizar accións formativas de cualificación e recualificación da poboación activa en sectores estratéxicos e mellora das capacidades para a transición ecolóxica, no marco do Plan de recuperación, transformación e resiliencia, coas seguintes características:
– Obxecto do convenio: establecer as condicións polas que se rexerá a colaboración entre o Asociación Clúster TIC de Galicia e a Consellería de Promoción do Emprego e Igualdade para realizar de accións formativas, de carácter non formal, de cualificación e recualificación da poboación activa no sector das TIC, que se axusten ás necesidades máis inmediatas de formación do capital humano das empresas que integran o sector e que permita a actualización das competencias profesionais ou a adquisición doutras novas no marco sectorial e empresarial das TIC e que, con carácter orientativo, poden ser as recollidas no anexo 1 deste convenio, e que deberán ter vinculación co Catálogo nacional de cualificacións profesionais.
– Prazo de vixencia: desde a súa sinatura ata o 31 de decembro de 2022.
– Importe: a Consellería de Promoción do Emprego e Igualdade achegará a cantidade total de un millón oitocentos dezanove mil oitocentos noventa euros (1.819.890,00 €) con cargo á aplicación orzamentaria 11.05.323B.481.1 (código de proxecto 2022 00172) dos orzamentos xerais da Comunidade Autónoma de Galicia para o financiamento do obxecto do Convenio e no marco do Plan de recuperación, transformación e resiliencia, financiado pola Unión Europea-NextGenerationEU.
– Data de sinatura: 5 de maio de 2022.
Santiago de Compostela, 28 de novembro de 2022
José Ramón Pardo Cabarcos
Secretario xeral técnico da Consellería
de Promoción do Emprego e Igualdade
