Pola Resolución do director da Axencia Galega de Infraestruturas do 14 de novembro de 2022 realizouse a aprobación técnica previa do trazado do proxecto de mobilidade sustentable de aparcadoiros disuasorios para o fomento do vehículo compartido asociados á implantación de zonas de baixas emisións nas cidades galegas. VG-4.4 e AG-57, de clave PO/22/148.06, nos municipios de Nigrán e Marín (Pontevedra), que se tramitará segundo o disposto na Lei 8/2013, do 28 de xuño, de estradas de Galicia, e no Decreto 66/2016, do 26 de maio, polo que se aproba o Regulamento xeral de estradas de Galicia.

Considerando o exposto e o establecido na normativa vixente,

ACORDO:

Primeiro. Someter ao trámite de información pública o proxecto de trazado de aparcadoiros disuasorios para o fomento do vehículo compartido asociados á implantación de zonas de baixas emisións nas cidades galegas. VG-4.4 e AG-57, actuación financiada polo Plan de recuperación, transformación e resiliencia, financiado pola Unión Europea-NextGenerationEU, de clave PO/22/148.06, para que as persoas que o consideren oportuno poidan formular, mediante escrito dirixido á Axencia Galega de Infraestruturas, as alegacións que crean convenientes relativas á concepción global da actuación e das distintas alternativas analizadas, de ser o caso, de acordo co disposto no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o Regulamento xeral de estradas de Galicia.

Segundo. Someter ao trámite de información pública a relación individual de bens, dereitos e propietarios afectados polo proxecto, descritos na relación anexa, para que calquera persoa poida achegar por escrito os datos oportunos para rectificar posibles erros da relación publicada ou opoñerse, por razóns de fondo ou forma, á necesidade da ocupación. Neste caso, indicará os motivos polos que deba considerarse preferente a ocupación doutros bens ou a adquisición doutros dereitos distintos e non comprendidos na relación, como máis conveniente para o fin que se persegue, de acordo co disposto nos artigos 17, 18 e 19 da Lei do 16 de decembro de 1954 sobre expropiación forzosa.

Terceiro. Do mesmo xeito, sométese o presente proxecto a información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. O prazo para presentar alegacións será de trinta (30) días hábiles contados desde o seguinte ao da publicación deste anuncio no Diario Oficial de Galicia.

A documentación que compón o proxecto estará á disposición da cidadanía na sede central da Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (avenida Mª Victoria Moreno, 43-1º, 36071 Pontevedra) e nas casas dos concellos de Nigrán (praza da Constitución, s/n, 36350 Nigrán, Pontevedra) e Marín (avenida de Ourense, s/n, 36900 Marín, Pontevedra).

Así mesmo, estará dispoñible na páxina web da Consellería de Infraestruturas e Mobilidade https://infraestruturasemobilidade.xunta.gal/transparencia/procedementos-informacion-publica/estudos-proxectos, a seguinte documentación:

• A documentación íntegra do proxecto.

• Un extracto do documento cos obxectivos, localización e descrición da actuación.

Santiago de Compostela, 24 de novembro de 2022

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Aparcadoiros disuasorios para o fomento do vehículo compartido asociados á implantación de zonas de baixas emisións nas cidades galegas. VG-4.4 e AG-57.

Clave: PO/22/148.06.

Concello de Nigrán.

Nº	Referencia catastral	Políg.	Parc.	Propietario/s	DNI	Exprop. (m2)	Clasificación urbanística	Sit. básica do solo	Clase de solo
1	54035A07600227	76	227	Angelina Costas Rodríguez	***8168**	129	Solo non urbanizable de protección e conservación das ribeiras do río Miñor	Rural	Rústico
2	54035A07600226	76	226	María Luisa Barros Vidal	***8545**	224	Solo non urbanizable de protección e conservación das ribeiras do río Miñor	Rural	Rústico
3	54035A07600319	76	319	Luis Barros González (hros.)	***6861**	132	Solo non urbanizable de protección e conservación das ribeiras do río Miñor	Rural	Rústico
4	54035A07600225	76	225	Modesto González Martínez	***6542**	468	Solo non urbanizable de protección e conservación das ribeiras do río Miñor	Rural	Rústico
5	54035A07600224	76	224	José Antonio Iglesias Puime Gonzalo Iglesias Puime	***5449**	216	Solo non urbanizable de protección e conservación das ribeiras do río Miñor	Rural	Rústico
6	54035A07600223	76	223	Manuel González Iglesias (hros.)	***2136**	195	Solo non urbanizable de protección e conservación das ribeiras do río Miñor	Rural	Rústico
7	54035A07600222	76	222	Ermitas Martínez González	***5061**	93	Solo non urbanizable de protección e conservación das ribeiras do río Miñor	Rural	Rústico
8	54035A07600221	76	221	Ramona Nandín Hermida	En investigación	10	Solo non urbanizable de protección e conservación das ribeiras do río Miñor	Rural	Rústico