Unha vez rematado o prazo de presentación de ofertas no procedemento da convocatoria para o outorgamento dunha única licenza de prestación de servizo especial de practicaxe do porto de Ribadeo, conforme o artigo 116 da Lei 6/2017, do 12 de decembro, de portos de Galicia, faise pública a data e a hora da apertura en acto público da documentación administrativa e económica (sobre único).
– Mesa/acto: apertura da documentación administrativa e económica (sobre único).
– Lugar: telemático, impulsado desde a sala de xuntas de Portos de Galicia, praza de Europa, 5A-6º, 15707 Santiago de Compostela (A Coruña). Solicítese asistencia no correo concepcion.maceira.miras@xunta.gal, ata as 14.00 horas do día previo á apertura.
– Data: 14 de decembro de 2022.
– Hora: 10.00 horas.
Santiago de Compostela, 23 de novembro de 2022
Susana Lenguas Gil
Presidenta de Portos de Galicia