DOG 228 do 30/11/2022 - ANUNCIO do 15 de novembro de 2022, da Dirección Xeral de Calidade Ambiental, Sostibilidade e Cambio Climático, polo que se fai pública a declaración de impacto ambiental do proxecto da liña de alta tensión a 132 kV desde a subestación do Irixo ata a subestación eléctrica de Lalín (retramitación), nos concellos do Irixo (Ourense), Dozón e Lalín (Pontevedra) (expediente 2022/0141).

VI. Anuncios

a) Administración autonómica

Consellería de Medio Ambiente, Territorio e Vivenda

ANUNCIO do 15 de novembro de 2022, da Dirección Xeral de Calidade Ambiental, Sostibilidade e Cambio Climático, polo que se fai pública a declaración de impacto ambiental do proxecto da liña de alta tensión a 132 kV desde a subestación do Irixo ata a subestación eléctrica de Lalín (retramitación), nos concellos do Irixo (Ourense), Dozón e Lalín (Pontevedra) (expediente 2022/0141).

De conformidade co artigo 41.3 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise pública a declaración de impacto ambiental, formulada pola Dirección Xeral de Calidade Ambiental, Sostibilidade e Cambio Climático o 14 de novembro de 2022, do proxecto de liña de alta tensión a 132 kV desde a subestación do Irixo ata a subestación eléctrica de Lalín (retramitación), nos concellos do Irixo (Ourense), Dozón e Lalín (Pontevedra), promovido por UFD Distribución Electricidad, S.A.

A dita declaración poderase consultar na ligazón: https://cmatv.xunta.gal/resolucions-da-avaliacion-ambiental-de-proxectos e nas dependencias da Dirección Xeral de Calidade Ambiental, Sostibilidade e Cambio Climático, sitas en Santiago de Compostela (San Lázaro s/n, planta baixa).

Santiago de Compostela, 15 de novembro de 2022

María Sagrario Pérez Castellanos
Directora xeral de Calidade Ambiental, Sostibilidade e Cambio Climático