Para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, anexo XII do Regulamento (UE) 1303/2013, do Parlamento Europeo e do Consello, do 17 de decembro, dáse publicidade da actuación contratada, de acordo co disposto na Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014, que a seguir se indica por razón do seu cofinanciamento pola Unión Europea:
1. Poder adxudicador:
1.1) Nome: Augas de Galicia, entidade pública empresarial adscrita á Consellería de Infraestruturas e Mobilidade da Xunta de Galicia.
1.2) Número de identificación fiscal: Q1500378C.
1.3) Enderezo: praza Camilo Díaz Baliño, 7-9, código postal 15781.
1.4) Localidade: Santiago de Compostela (A Coruña).
1.5) Código NUTS: ES111.
1.6) Correo electrónico: contratacion.epaugasdegalicia@xunta.gal
1.7) Fax: 981 95 74 03.
1.8) Teléfono: 981 95 74 01.
1.9) Enderezo da internet: http://augasdegalicia.xunta.gal/
1.10) Perfil de contratante: http://www.contratosdegalicia.gal/consultaOrganismo.jsp?N=216
Tamén se terá acceso ao perfil de contratante desde a Plataforma de contratos públicos de Galicia https://www.contratosdegalicia.gal, accesible así mesmo no portal web institucional da Xunta de Galicia https://www.xunta.gal e na sede electrónica da Xunta de Galicia https://sede.xunta.gal, ou portal de transparencia de Galicia https://transparencia.xunta.gal, a Plataforma de contratación do sector público https://contrataciondelestado.es por medio de ligazóns de interese ás plataformas de contratación das comunidades autónomas e a páxina web https://augasdegalicia.xunta.gal/
2. Tipo de poder adxudicador e principal actividade exercida:
2.1) Tipo de poder adxudicador: entidade pública do sector público autonómico de Galicia.
2.2) Actividade principal exercida: infraestruturas e servizos hidráulicos.
3. Códigos CPV: 72200000-7 (servizos de programación de software e de consultoría), 72212460-1 (servizos de desenvolvemento de software analítico, científico, matemático ou preditivo) e 71314300-5 (servizos de consultoría en rendemento enerxético).
4. Código NUTS da localización principal do servizo: ES11 Comunidade Autónoma de Galicia.
5. Descrición do obxecto da licitación: servizo para o desenvolvemento, implantación e validación dun sistema para a optimización de parámetros de consumo enerxético e calidade da auga vertida ao medio receptor, así como a realización de recomendacións de mellora baseadas en simulacións en tres estacións depuradoras de augas residuais. Clave do expediente OH.788.431.
O contrato pretende o desenvolvemento, implantación e validación dun sistema automático para a optimización e simulación de parámetros de consumo enerxético e calidade da auga vertida ao medio receptor, capaz de formular recomendacións de mellora nas estacións depuradoras de augas residuais de Baiona, Nigrán e Gondomar.
Os obxectivos principais do contrato son:
• Garantir a fiabilidade operativa das estacións depuradoras de augas residuais, é dicir, que as ditas instalacións, pola súa importancia, estean a operar no rango obxectivo de calidade e eficiencia.
• Garantir o cumprimento dos parámetros de calidade respecto da auga vertida ao medio receptor.
• Optimizar os consumos enerxéticos de cada estación depuradora de augas residuais considerando as restricións de fiabilidade e calidade.
Estes obxectivos principais deberán conseguirse cun sistema automático de optimización e simulación que dote a Augas de Galicia dunha solución tecnolóxica que permita:
– Obter un maior coñecemento do consumo de enerxía de cada estación depuradora de augas residuais, de forma desagregada para todos os seus procesos e simular a evolución do consumo en función da evolución dos diversos parámetros que interveñen e das decisións que poidan tomarse sobre os distintos procesos da estación depuradora de augas residuais.
– Obter un maior coñecemento do consumo de enerxía de cada estación depuradora de augas residuais, de forma desagregada para todos os seus procesos e simular a evolución do consumo en función da evolución dos diversos parámetros que interveñen e das decisións que poidan tomarse sobre os distintos procesos da estación depuradora de augas residuais.
– Obter unha transparencia enerxética total sobre as estacións depuradoras de augas residuais e, nun futuro, sobre o conxunto de estacións depuradoras de augas residuais xestionadas por Augas de Galicia; desenvolveranse indicadores e sistemas de medición que permitan a xestión enerxética avanzada.
– Obter propostas de actuación que desemboquen en aforros significativos do consumo de enerxía a través da optimización de procesos.
– En definitiva, para optimizar o consumo enerxético das estacións depuradoras de augas residuais, con independencia do seu tamaño, garantindo o cumprimento dos parámetros de calidade da auga vertida e a fiabilidade operativa das devanditas instalacións.
Esta solución tecnolóxica debe desembocar nun produto que poida ser comercializado, mantido e mellorado polo adxudicatario ao longo dos próximos anos, de maneira que se garanta que a tecnoloxía adquirida seguirá evolucionando.
6. Tipo de procedemento de adxudicación: aberto, suxeito a regulación harmonizada, polo trámite ordinario e anticipado do gasto.
7. Orzamento base de licitación. Importe neto: 1.614.675,54 euros. Importe total: 1.953.757,40 euros.
8. Valor estimado do contrato: 2.018.344,43 euros. Inclúe o orzamento de licitación (1.614.675,54 euros), modificación contractual á alza prevista (322.935,11 euros) e importe máximo da variación á alza prevista do prezo do contrato (80.733,78 euros).
9. Prazo de execución do contrato: 15 meses.
10. Criterios de adxudicación:
10.1) Adxudicación do contrato: acordouse tomando como base de valoración os criterios de adxudicación obxectivos establecidos no prego de cláusulas administrativas particulares e en aplicación destes seleccionou a mellor oferta por obter a maior puntuación total como resultado da valoración global das proposicións admitidas.
10.2) Criterios de adxudicación: solución técnica proposta (ponderación 26 %), oferta económica (ponderación 24 %), oferta para funcionalidades avanzadas de optimización operativa de estacións depuradoras de augas residuais (EDAR) (ponderación 20 %), plan de traballo e plan de xestión de riscos (ponderación 10 %), oferta para custo máximo de despregamento (CMD) da solución desenvolvida no marco do servizo (ponderación 10 %) e medidas para o impulso demográfico (ponderación 10 %).
11. Data da adxudicación do contrato: 2 de marzo de 2022.
12. Número de ofertas recibidas:
12.1) Ofertas totais: 4.
12.2) Ofertas de pequenas ou medianas empresas: 5.
12.3) Ofertas doutros Estados membros da Unión Europea ou de terceiros países: ningunha.
12.4) Ofertas por vía electrónica: si.
13. Data de formalización ou subscrición do contrato: 31 de marzo de 2022.
14. Empresa contratista:
14.1) Nome da empresa ou, de ser o caso, UTE: Aquatec Proyectos para el Sector del Agua, S.A. & Fundación Instituto Tecnológico de Galicia Unión Temporal de Empresas, Lei 18/1982, do 26 de maio.
14.2) NIF: U09930348.
14.3) Enderezo: Calle de la Libra, esq., avda. del Euro, PI. Las Atalayas, 26-27, 03114 Alicante.
14.4) Código NUTS: ES521.
14.5) Correo electrónico: proyectos@aquatec.es
14.6) Fax: 913 62 10 00.
14.7) Teléfono: 639 04 87 00.
14.8) Pequena ou mediana empresa: si, unha das empresas que forma parte da UTE (Fundación Instituto Tecnológico de Galicia).
15. Valor da oferta seleccionada. Importe neto: 1.291.740,43 euros. Importe total: 1.563.005,92 euros.
16. Información sobre se o contrato está relacionado cun proxecto ou programa financiado con fondos da Unión Europea:
Esta actuación cofinanciarase pola Unión Europea a través do Fondo Europeo de De-senvolvemento Rexional (Feder) nun 80 % do gasto elixible, no marco do programa operativo Feder Plurirrexional de España (POPE) 2014-2020.
A actuación enmárcase dentro do programa operativo no obxectivo temático 1 «Potenciar a investigación, o desenvolvemento tecnolóxico e a innovación»; prioridade de investimento 1.b) «Fomento do investimento empresarial en I+i, o desenvolvemento de vínculos e sinerxías entre as empresas, os centros de investigación e desenvolvemento e o sector do ensino superior, en particular mediante o fomento do investimento no desenvolvemento de produtos e servizos, a transferencia de tecnoloxía, a innovación social, a innovación ecolóxica, as aplicacións de servizo público, o estímulo da demanda, a interconexión en rede, as agrupacións e a innovación aberta a través dunha especialización intelixente, e mediante o apoio á investigación tecnolóxica e aplicada, liñas piloto, accións de validación precoz dos produtos, capacidades de fabricación avanzada e primeira produción, en particular, en tecnoloxías facilitadoras esenciais e difusión de tecnoloxías polivalentes»; obxectivo específico 1.2.1 «Impulso e promoción de actividades de I+i lideradas por empresas, apoio á creación e consolidación de empresas innovadoras e apoio á compra pública innovadora»; actuación 1.2.1.4 «Liña de fomento da innovación desde a demanda (FID) e da compra pública innovadora (CPI)» (segundo o documento Criterios e procedementos de selección de operacións (CPSO).
Polo tanto, deberán observarse os criterios de elixibilidade, xestión, publicidade e control propios dos documentos de programación e da normativa comunitaria de aplicación ao Feder. Respectaranse, polo tanto, as normas de subvencionabilidade do gasto do programa operativo do citado fondo europeo, así como as normas de información e publicidade establecidas nas guías de publicidade e nas demais normas comunitarias que sexan de aplicación.
17. Servizo do cal se poida obter información sobre o contrato formalizado:
17.1) Nome: Contratación de Augas de Galicia.
17.2) Enderezo: praza Camilo Díaz Baliño, 7-9.
17.3) Localidade: Santiago de Compostela (A Coruña).
17.4) Código postal: 15781.
17.5) Correo electrónico: contratacion.epaugasdegalicia@xunta.gal
17.6) Fax: 981 95 74 03.
17.7) Teléfonos: 981 95 74 01.
18. Datos e referencias de publicacións anteriores no Diario Oficial de la Unión Europea relevantes para o contrato: non procede.
19. Información acerca do acordo sobre contratación pública: contrato cuberto polo acordo sobre contratación pública.
20. Outras informacións:
Data de envío do anuncio de licitación ao Diario Oficial de la Unión Europea: 15 de novembro de 2021.
Publicidade do anuncio de licitación no Diario Oficial de la Unión Europea: 19 de novembro de 2021.
Publicidade do anuncio de licitación no perfil de contratante: 19 de novembro de 2021.
Publicidade da adxudicación no perfil de contratante: 2 de marzo de 2022.
Publicidade do contrato formalizado co contratista no perfil de contratante: 1 de abril de 2022.
Publicidade do anuncio de formalización do contrato no Diario Oficial de la Unión Europea: 8 de abril de 2022.
Publicidade da formalización do contrato no perfil de contratante: 8 de abril de 2022.
Santiago de Compostela, 11 de novembro de 2022
A presidenta de Augas de Galicia
P.D. (Resolución do 30.1.2012, DOG núm. 21, do 31 de xaneiro)
Teresa María Gutiérrez López
Directora de Augas de Galicia
