Mediante a Orde do 8 de marzo de 2022 convocáronse os premios extraordinarios de formación profesional de grao superior correspondentes ao curso 2020/21 (DOG núm. 55, do 21 de marzo).
Mediante a Orde do 28 de xuño de 2022 concedéronse os premios extraordinarios de formación profesional de grao superior correspondentes ao curso 2020/21 (DOG núm. 129, do 7 de xullo).
Como consecuencia da interposición dun escrito de reclamación en relación coa concesión do premio extraordinario na familia profesional de Comercio e Marketing detectouse un erro consecuencia dunha omisión na aplicación dos criterios de desempate recollidos no punto 3 do artigo 12 da Orde do 8 de marzo de 2022.
Tendo en conta que o artigo 4 da Orde EDU/2128/2011, do 15 de xullo, pola que se crean e regulan os premios nacionais de formación profesional de grao superior establecidos pola Lei orgánica 2/2006, do 3 de maio, de educación, establece que as administracións educativas competentes poderán convocar e conceder premios extraordinarios de formación profesional de grao superior nos seus respectivos ámbitos de competencia e que o artigo 2 da citada Orde do 8 de marzo de 2022 recolle a posibilidade de conceder ata vinte e tres premios e que a consellería só concedeu vinte e un e que, ademais, considerando que a posibilidade de exercicio da facultade de revisión da orde de concesión resultaría contrario á equidade, á boa fe e ao dereito dos particulares, por proposta da directora xeral de Ordenación e Innovación Educativa sobre a concesión destes premios,
DISPOÑO:
Primeiro. Conceder un premio extraordinario adicional de formación profesional de grao superior correspondente ao curso 2020/21 na familia profesional de Comercio e Márketing, á alumna Andrea Martínez Otero.
Segundo. Modificar o anexo da Orde de 28 de xuño de 2022, que queda redactado como segue:
ANEXO
Premios extraordinarios de formación profesional de grao superior correspondentes ao curso 2020/21
|
Nº inscrición |
Apelidos e nome |
Familia profesional |
Cód. centro |
Centro educativo |
Importe |
|
2218000184 |
Rañó Romero, Carla |
Actividades Físicas e Deportivas |
15015755 |
IES Plurilingüe Rosalía de Castro |
1.000 € |
|
2244000338 |
Enes Barbosa, Bárbara Sofía |
Administración e Xestión |
36011622 |
CPR Aloya |
1.000 € |
|
2207000373 |
Carril García, Adrián |
Agraria |
15027733 |
IES de Arzúa |
1.000 € |
|
2224000141 |
Pereiro Pesado, Sara |
Artes Gráficas |
36006419 |
IES Montecelo |
1.000 € |
|
2214000061 |
Cerdeira Rodríguez, Marta |
Comercio e Márketing |
15026753 |
IES A Pontepedriña |
1.000 € |
|
2217000016 |
Martínez Otero, Andrea |
Comercio e Márketing |
32016765 |
CIFP Portovello |
1.000 € |
|
2290000101 |
Veiga Mouzo, Irene |
Edificación e Obra Civil |
36019268 |
IES Gonzalo Torrente Ballester |
1.000 € |
|
2287000364 |
Penido Arca, David |
Electricidade e Electrónica |
15015767 |
CIFP Politécnico de Santiago |
1.000 € |
|
2279000310 |
Peleteiro Álvarez, Rosendo |
Fabricación Mecánica |
32009116 |
IES 12 de Outubro |
1.000 € |
|
2296000032 |
Paz Vázquez, María Florencia |
Hostalaría e Turismo |
15015755 |
IES Plurilingüe Rosalía de Castro |
1.000 € |
|
2213000282 |
Santana Taboada, Javier |
Imaxe e Son |
32015050 |
CIFP A Farixa |
1.000 € |
|
2259000110 |
Gómez Mejía, Natalia |
Imaxe Persoal |
15025645 |
IES Ricardo Carvalho Calero |
1.000 € |
|
2215000328 |
Castro Cores, Fernando |
Industrias Alimentarias |
36000481 |
IES Ramón Cabanillas |
1.000 € |
|
2260000221 |
Corbacho Vieites, Aarón |
Informática e Comunicacións |
36011853 |
CPR Daniel Castelao |
1.000 € |
|
2259000326 |
González García, Antonio |
Instalación e Mantemento |
15026376 |
IES Punta Candieira |
1.000 € |
|
2200000260 |
Sanjuás Vilar, Nuria |
Marítimo-Pesqueira |
36011804 |
Instituto Marítimo Pesqueiro do Atlántico |
1.000 € |
|
2276000055 |
Gómez Fernández, Lucía |
Química |
27006531 |
IES Lucus Augusti |
1.000 € |
|
2230000012 |
Alejos Fernández, Simón |
Sanidade |
27013958 |
IES Monte Castelo |
1.000 € |
|
2293000106 |
Salpurido Fernández, Sonia María |
Seguridade e Medio Ambiente |
36007552 |
CIFP A Granxa |
1.000 € |
|
2230000076 |
Vilar Abelleira, Rocío |
Servizos Socioculturais e á Comunidade |
36014489 |
CIFP A Xunqueira |
1.000 € |
|
2226000250 |
Rodríguez Places, Verónica |
Téxtil, Confección e Pel |
36013448 |
CIFP Manuel Antonio |
1.000 € |
|
2257000144 |
Álvarez Amor, Diego |
Transporte e Mantemento de Vehículos |
27020793 |
CIFP Porta da Auga |
1.000 € |
Terceiro. Contra esta orde poderase recorrer mediante recurso potestativo de reposición ante a persoa titular da Secretaría Xeral Técnica da Consellería de Cultura, Educación, Formación Profesional e Universidades, por delegación de competencia establecida na Orde do 29 de xullo de 2022 (DOG núm. 151, do 9 de agosto), no prazo dun mes, a partir do día seguinte ao da data de publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente mediante recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses desde tal publicación, segundo prevé o artigo 46 da Lei 29/1998, do 13 de xullo, reguladora da xurisdición contencioso-administrativa.
Disposición derradeira única. Efectos
Esta orde producirá efectos desde o momento da súa publicación no Diario Oficial de Galicia.
Santiago de Compostela, 15 de novembro de 2022
O conselleiro de Cultura, Educación, Formación Profesional e Universidades
P.D. (Orde do 29 de xullo de 2022; DOG núm. 151, do 9 de agosto)
Manuel Vila López
Secretario xeral técnico da Consellería de Cultura, Educación, Formación
Profesional e Universidades
