Mediante a Resolución do 30 de decembro de 2021 convocouse, por tramitación anticipada de gasto, a décimo terceira edición dos premios ao desenvolvemento rural de Galicia e aprobáronse as súas bases reguladoras (DOG núm. 18, do 27 de xaneiro de 2022).
Para financiar esta convocatoria existía un crédito de 80.000 €, que se imputou ás contas orzamentarias 14.A1.712A.770.0 e 14.A1.712A.781.0.
O 21 de outubro de 2022 a directora xeral da Agader, no exercicio das competencias atribuídas en virtude do Acordo do Consello de Dirección da Agader, do 11 de xullo de 2013 (Resolución do 24 de xullo de 2013, DOG núm. 148, do 5 de agosto), resolveu a citada convocatoria.
O artigo 15 da Lei 9/2007, do 13 xuño, de subvencións de Galicia, dispón que o órgano concedente publicará no Diario Oficial de Galicia as subvencións concedidas, con expresión da convocatoria, o programa, o crédito orzamentario a que se imputen, o beneficiario, a cantidade concedida e a finalidade ou as finalidades da subvención. Así mesmo, o artigo 17.1 da Lei 1/2016, do 18 de xaneiro, de transparencia e bo goberno, establece que se deberá publicar a concesión das correspondentes axudas ou subvencións.
De acordo co anterior,
RESOLVO:
Publicar no Diario Oficial de Galicia a relación das subvencións concedidas ao abeiro da décimo terceira edición dos premios ao desenvolvemento rural de Galicia, convocada pola Resolución do 30 de decembro de 2021.
Santiago de Compostela, 15 de novembro de 2022
Inés Santé Riveira
Directora xeral da Axencia Galega de Desenvolvemento Rural
ANEXO
Categoría |
Candidatura |
Premiado |
Premio |
Mocidade |
Explotación gandeira de vacún de carne en extensivo situada en Vilapedre (Vilalba) |
Xabier Benxamín Paz González |
11.428,57 € |
Proxectos de interese social |
30 anos da asociación Íntegro |
Asociación Íntegro Diversidad Funcional Comarcas de Bergantiños, Terra de Soneira e Fisterra |
11.428,57 € |
Turismo |
Atmos Hotel |
Adsens 360, S.L. |
11.428,57 € |
Sector agrogandeiro |
Belacolmea, diversificación apícola: aposta pola cosmética natural como motor das explotacións apícolas |
Agrupación para o Desenvolvemento e Formación do Sector Apícola Galego |
11.428,57 € |
Mulleres |
Terras de Asorei aposta pola igualdade como símbolo de progreso para todos |
Adegas Terra de Asorei, S.L. |
11.428,57 € |
Innovación tecnolóxica |
Rir & Co Diseño Textil |
Inés Rodríguez Rodríguez |
11.428,57 € |
Recuperación e posta en valor da terra agraria |
Asoporcel |
Asociación de Criadores Raza Porcina Celta |
11.428,57 € |