En cumprimento do disposto na Lei 24/2013, do 26 de decembro, do sector eléctrico; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: instalación de reconectador TC na LMTA BDV712, apoio número 21.
Situación: lugar de Santigoso, concello do Barco de Valdeorras (Ourense).
Características principais recollidas no proxecto:
• Substitución do apoio número 21, de tipo HV, por novo apoio metálico de celosía, dotado de elemento de manobra, iso para soportar os novos esforzos orixinados, retensando condutor nos tramos afectados. En apoio número 20 proxéctase o desmonte do elemento seccionador matrícula 32HBW6.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David Núñez Fernández, colexiado número 1534 do ICOEIG, o 1.7.2022.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Planos parcelarios do proxecto.
O que se fai público, para o coñecemento xeral, así como, en particular, do propietario do predio que figura na relación anexa a este acordo, e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación se poderá examinar nesta Xefatura Territorial da Vicepresidencia Primeira e Consellería de Economía, Industria e Innovación de Ourense, rúa Curros Enríquez número 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica.
Ourense, 14 de outubro de 2022
Alicia María López Míguez
Xefa territorial de Ourense
ANEXO
Relación de bens e dereitos afectados
Número de expediente: IN407A 2022/175-3.
Situación: Santigoso, concello do Barco de Valdeorras.
Denominación: instalación de reconectador TC na LMTA BDV712, apoio número 21.
Predio número en proxecto: 1.
Lugar: Monte Grande.
Cultivo: monte baixo.
Titular: descoñecido.
Afeccións: apoio número 21, ocupación de 2 m2.
