En virtude do establecido no artigo 15 da Lei 1/2016, do 18 de xaneiro, de transparencia e bo goberno,
DISPOÑO:
Artigo único
Darlle publicidade á relación dos convenios subscritos pola Consellería de Facenda e Administración Pública nos meses de maio, xuño, xullo e agosto, que se incorpora como anexo a esta resolución.
Santiago de Compostela, 5 de outubro de 2022
Jorge Atán Castro
Secretario xeral técnico e do Patrimonio da Consellería
de Facenda e Administración Pública
ANEXO
Convenios de colaboración subscritos pola Consellería de Facenda e Administración Pública nos meses de maio, xuño, xullo e agosto do ano 2022
Convenio |
Achega da consellería (€) |
Data da sinatura |
Convenio entre a Axencia Tributaria de Galicia e a Sociedade Estatal de Correos e Telégrafos, S.A., S.M.E. para facilitar o ingreso en contas restrinxidas de xiros postais utilizados para pagar débedas tributarias e outras de dereito público. |
Sen achega económica |
1.6.2022 |
Convenio de colaboración entre a Xunta de Galicia, por medio da Conselleria de Facenda e Administración Pública, e o Concello de Santiago de Compostela para sufragar os gastos derivados da súa condición de capital da Comunidade Autónoma de Galicia. |
2.392.425,00 € |
3.6.2022 |
Convenio de colaboración entre a Consellería de Facenda e Administración Pública, o Instituto Galego de Promoción Económica (Igape) e a Universidade de Santiago de Compostela para a edición e publicación da Revista Galega de Economía no ano 2022. |
7.500,00 € |
3.6.2022 |
Convenio de colaboración entre a Consellería de Facenda e Administración Pública e a Federación Down Galicia para a realización de actividades de asesoramento e apoio na inserción laboral de persoas con discapacidade intelectual na Administración da Comunidade Autónoma de Galicia. |
Sen achega económica |
11.7.2022 |
Convenio de colaboración entre a Consellería de Facenda e Administración Pública e a Federación galega de asociacións en favor das persoas con discapacidade intelectual ou do desenvolvemento (Fademga Plena Inclusión Galicia) para a realización de actividades de asesoramento e apoio na inserción laboral de persoas con discapacidade intelectual na Administración da Comunidade Autónoma de Galicia. |
Sen achega económica |
11.7.2022 |
Protocolo de adhesión do Concello de Samos ao convenio subscrito o 30.9.2020 entre a Axencia Tributaria de Galicia e a Federación Galega de Municipios e Provincias para a cesión de información de carácter tributario, así como dos demais ingresos de dereito público para a concesión de axudas e subvencións e a contratación coa Administración. |
Sen achega económica |
21.7.2022 |
Convenio de colaboración entre a Axencia Tributaria de Galicia e o Concello da Merca en materia de recadación en vía executiva. |
Sen achega económica |
31.8.2022 |