O Pleno, en sesión ordinaria do 28 de xullo de 2022, acordou, co quórum da maioría absoluta do número legal de membros da Corporación, aprobar inicialmente a modificación puntual do PXOM para a modificación da ordenanza 6.2 do parque empresarial de Espiñeira, segundo a documentación elaborada por Amancio Losada Vicente, que tivo entrada o 25 de maio de 2022.
O que se publica co fin de que, durante o prazo de dous meses contados a partir do día seguinte ao da publicación deste anuncio, os/as interesados/as poidan consultar o expediente e formular as alegacións que xulguen oportunas. O expediente 1273/2018 está á disposición das persoas interesadas no Departamento de Urbanismo, de luns a venres, das 9.00 ás 13.30 horas, e no Portal de transparencia a que se pode acceder entrando no seguinte enderezo web: boiro.sedelectronica.gal, Portal de transparencia, 7.1 Planeamento urbanístico, modificación puntual do PXOM, ordenanza 6.2.
Boiro, 12 de agosto de 2022
José Ramón Romero García
Alcalde