O Pleno do Concello, na sesión que tivo lugar o 8 de setembro de 2022, adoptou, entre outros, o seguinte acordo:
«Primeiro. Aprobar o cambio de uso das parcelas titularidade da Xunta de Galicia inseridas no ámbito EL-8/QG do PXOM, coas referencias catastrais 9794201NH4999N0001MZ, 9593413NJ4999S0000US e 9593411NJ4999S0001DD, cualificadas como sistema xeral de equipamento e sistema local de espazo libre polo Plan xeral vixente, de conformidade co grafitado no documento Cambio de uso de parcelas dotacionais no ámbito EL-8/QG do PXOM, redactado por Monteoliva Arquitectura, S.L.P. e asinado polo arquitecto Ángel Luis Monteoliva Díaz.
Segundo. Publicar este acordo no Diario Oficial de Galicia e no Boletín Oficial da provincia e solicitar a súa inscrición no Rexistro de Planeamento Urbanístico de Galicia.
Terceiro. Remitir o acordo á Consellería de Sanidade, Consellería de Medio Ambiente, Territorio e Vivenda da Xunta de Galicia e departamentos municipais interesados na súa tramitación, para os efectos do seu coñecemento».
Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo de dous meses que se contará a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que se poida interpoñer calquera outro recurso que se entenda máis procedente e sexa conforme a dereito.
A Coruña, 16 de setembro de 2022
A alcaldesa
P.D. (Decreto 2544/2022; BOP do 28 de abril)
Francisco Dinís Díaz Gallego
Concelleiro delegado de Urbanismo, Vivenda, Infraestruturas e Mobilidade