Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio infórmase da presentación das follas de valoración da entidade beneficiaria, no procedemento expropiatorio sobre os bens e dereitos afectados pola ampliación das instalacións da sede central do Grupo Caamaño, no lugar de Alvedro, no concello de Culleredo (proxecto sectorial de incidencia supramunicipal), correspondentes aos predios e ás titularidades que se sinalan no cadro anexo que máis abaixo se detalla.
O texto íntegro das referidas follas de valoración atópase ao dispor das persoas interesadas na sede da Xefatura Territorial da la Vicepresidencia Primeira e Consellería de Economía, Industria e Innovación da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Expropiacións (solicitando cita previa no teléfono de contacto 981 18 49 11), das 9.00 ás 14.00 horas, de luns a venres. As ditas persoas interesadas disporán dun prazo de dez (10) días, a partir da publicación deste anuncio no Boletín Oficial del Estado, para solicitar a remisión das correspondentes valoracións ao enderezo que sinalen.
Transcorrido o prazo de dez días indicado no parágrafo anterior sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.
A Coruña, 20 de setembro de 2022
Isidoro Martínez Arca
Xefe territorial da Coruña
ANEXO
Expediente: proxecto sectorial de incidencia supramunicipal.
Entidade beneficiaria: Lots, Land & Rent, S.L. (Grupo Caamaño).
Denominación da instalación: ampliación das instalacións da sede central do Grupo Caamaño, no lugar de Alvedro.
Concello: Culleredo.
|
Predio |
Referencia catastral |
Titularidade proposta |
|
16 |
15031A00500168 |
Rosa Albina Fernández Vales e Francisco Santamariña Rodríguez |
|
19 |
15031A00500199 |
Luis Francisco Carmona Iglesias, Margarita Iglesias Domínguez, María Jesús Iglesias Domínguez e Ana Iglesias Martínez |
|
22 |
15031A00500262 |
María Barral Lousada |
