O 30.8.2022, a Xunta de Goberno Local aprobou inicialmente o proxecto de equistribución do PERI 2-R Sánchez Aguilera e acordou sometelo á información pública por un mes no BOP, no DOG e nun xornal dos de maior difusión da provincia xunto co convenio entre o Instituto de Vivenda, Infraestrutura e Equipamento da Defensa e o Concello de Ferrol para o alleamento de varias propiedades situadas nese municipio, que figura como anexo ao proxecto.
De acordo cos artigos 270 e 401.3 do Decreto 143/2016, do 22 de setembro, polo que se aproba do Regulamento da Lei 2/2016, do solo de Galicia, sométese á información pública durante o prazo dun mes, prazo que comezará a computar desde o día seguinte ao da última publicación no BOP ou no DOG.
O proxecto de equidistribución pode consultarse no enlace https://ferrol.gal/arquivos/descargas/Proxecto_equidistribucion_aprobado_inicialmente.pdf
Tamén se pode consultar na sede electrónica do Concello de Ferrol ou de xeito presencial no Departamento de Urbanismo (rúa María 52-54, 5º andar, das 9.00 ás 14.00 horas, de luns a venres), para o cal se deberá solicitar cita previa no teléfono 981 94 40 00, exts. 302/301.
As alegacións presentaranse dirixidas ao Servizo de Urbanismo e por calquera medio dos admitidos no artigo 16.4 da Lei 39/2015, do 1 de outubro, do procedemento administrativo común das administracións públicas.
Ferrol, 8 de setembro de 2022
O alcalde
P.D. (Alcaldía 8.7.2019, BOP do 22 de xullo)
Julián Reina Villalón
Concelleiro delegado da Área de Urbanismo e Infraestruturas, Mobilidade, Vivenda e Rehabilitación, Contratación, Centro de Recursos Informáticos e Organización Interna