Mediante a Orde do 8 de xullo de 2022, publicada no Diario Oficial de Galicia número 138, do 20 de xullo, convocouse a provisión, polo sistema de libre designación, do posto de traballo vacante no organismo autónomo Instituto Galego de Estatística da Consellería de Facenda e Administración Pública que se detalla no anexo desta orde.
De conformidade co establecido no artigo 92 da Lei 2/2015, do 29 de abril, do emprego público de Galicia, e no artigo 16 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e demais normativa vixente, esta consellería
DISPÓN:
Primeiro. Resolver a convocatorio pública efectuada mediante a Orde desta consellería do 8 de xullo de 2022 e designar a persoa funcionaria, cuxos datos se sinalan no anexo desta orde, para ocupar o posto de traballo que tamén se especifica.
Segundo. O cesamento no actual destino efectuarase, segundo o previsto no artigo 14 do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo, no prazo de tres días contados a partir do seguinte ao da publicación no Diario Oficial de Galicia.
O prazo para tomar posesión do novo destino é de tres días se non implica cambio de residencia ou de sete días se comporta cambio de residencia. Cando o/a adxudicatario/a do posto obteña coa súa toma de posesión o reingreso ao servizo activo, o prazo será de vinte días.
O cómputo dos prazos de toma de posesión iniciarase cando rematen os permisos e licenzas que, de ser o caso, se concedesen á persoa; no caso de incapacidade temporal, a partir da data de alta.
Terceiro. A Xefatura de Persoal do centro onde cause baixa o funcionario ou funcionaria, así como daquel en que acade o destino, efectuarán, dentro dos prazos indicados no punto anterior, as dilixencias de cesamento e de toma de posesión e, a seguir, realizaranse os trámites para a súa alta na nómina.
Da dilixencia efectuada remitirase copia á Dirección Xeral da Función Pública da Consellería de Facenda e Administración Pública.
Contra esta orde, que esgota a vía administrativa, as persoas interesadas poderán interpoñer recurso potestativo de reposición ante o conselleiro de Facenda e Administración Pública, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente ante o xulgado do contencioso-administrativo competente no prazo de dous meses contados a partir da mesma data, conforme a Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 31 de agosto de 2022
Miguel Corgos López-Prado
Conselleiro de Facenda e Administración Pública
ANEXO
Datos do/da funcionario/a:
Nome e apelidos: María Portela González.
Número de rexistro de persoal: ****609502 A2059.
Corpo ou escala: corpo auxiliar da Administración xeral da Comunidade Autónoma de Galicia.
Subgrupo: C2.
Datos do posto de traballo:
Denominación: secretario/a do/da director/a.
Código de posto: FC.A01.00.000.15770.001.
Nivel: 18.
Centro directivo ou dependencia: Dirección do Instituto Galego de Estatística.
Localidade: Santiago de Compostela.
