Tras a negociación e subscrición, con data do 12 de agosto de 2022, do convenio urbanístico entre o Concello de Oleiros e os promotores para a fixación das novas determinacións do Plan parcial do sector SUD-10, e en cumprimento do disposto no artigo 401.2 do Decreto 143/2016, do 22 de setembro, sométese o expediente a información pública polo prazo dun (1) mes, contado desde o día seguinte ao da última das publicacións deste anuncio no Diario Oficial de Galicia ou nun dos xornais de maior difusión na provincia, para que calquera persoa poida examinar o convenio urbanístico e formular as alegacións que procedan.
A documentación estará á disposición das persoas interesadas na seguinte ligazón:
http://www.oleiros.org/web/concello-oleiros/c-interior-seguridade-m-ambiente-facenda-urbanismo/urbanismo/tramites-de-informacion-publica
Tamén se poderá consultar fisicamente nas dependencias da Área de Urbanismo do Concello de Oleiros, das 9.00 ás 13.00 horas.
Oleiros, 12 de agosto de 2022
Ángel García Seoane
Alcalde