Asunto: aprobación inicial do Plan especial de infraestruturas e dotacións do aeródromo da Fervenza.

Expediente: 2022/U035/000001.

Pola Resolución da primeira tenente de alcalde núm. 155/2022, acordouse aprobar inicialmente o Plan especial de infraestruturas e dotacións do aeródromo da Fervenza para a implantación dun establecemento de aloxamento no aeródromo da Fervenza (concello de Mazaricos), segundo a documentación técnica redactada pola arquitecta María Cruz Vigo Castro (colexiada 3556 do COAG).

O que se somete a información pública por un prazo de dous meses, en cumprimento dos artigos 75.1.a) da Lei 2/2016, do 10 de febreiro, do solo de Galicia, e 186.1.a) do Regulamento da Lei do solo, co fin de que as persoas que se consideren afectadas por ela poidan examinar o expediente e deducir, de ser o caso, as alegacións ou observacións que consideren oportunas.

O documento técnico e os trámites contidos no expediente poderán consultarse na oficina técnica municipal.

Mazaricos, 17 de agosto de 2022

Juan J. Blanco Riveiro
Alcalde