Ponse en coñecemento dos interesados na concentración parcelaria da zona de Dodro-Laíño II (Dodro, A Coruña) que, con data do 8 de agosto de 2022, a directora xeral de Desenvolvemento Rural aprobou a resolución que a seguir se cita:

«En cumprimento do establecido no artigo 35 da Lei 4/2015, do 17 de xuño, de mellora da estrutura territorial agraria de Galicia, unha vez revisada a documentación e os planos que o compoñen, por medio deste acto apróbase o Acordo de reestruturación parcelaria da zona de Dodro-Laíño II (Dodro, A Coruña).

Conforme o disposto no punto 3 do artigo 16 da dita lei, disólvese a xunta local da zona.

A Xefatura Provincial do Servizo de Infraestruturas Agrarias do Departamento Territorial da Consellería do Medio Rural da Coruña disporá a súa notificación e publicación nos termos legalmente establecidos».

Contra esta resolución, que non pon fin á vía administrativa, as persoas interesadas poderán interpoñer recurso de alzada ante a persoa titular da Consellería do Medio Rural, dentro do prazo dun mes contado desde o día seguinte ao da notificación persoal ou publicación substitutiva.

A Coruña, 12 de agosto de 2022

José Manuel Santos Maneiro
Xefe territorial da Coruña