Expediente: IN407A 2022/031-4.

Promotora: UFD Distribución Electricidad, S.A.

Denominación: LMTS e substitución CTI Campo Festa Nespereira por CTC.

Concello: Redondela.

Feitos:

Primeiro. O 22 de xaneiro de 2022, a empresa UFD Distribución Electricidad, S.A. solicitou a autorización administrativa previa, a autorización administrativa de construción e a declaración de utilidade pública da instalación eléctrica denominada LMTS e substitución CTI Campo Festa Nespereira por CTC.

Examinado o proxecto de execución, conclúese que ten como finalidade as seguintes actuacións no lugar de Coto de San Román, na parroquia de Saxamonde, no concello de Redondela (Pontevedra):

Substitución do centro de transformación (CT) Campo Festa Nespereira (36AAW2) de tipo intemperie por un centro de transformación compacto de superficie de 250 kVA.

Instalación dunha liña de media tensión subterránea (LMTS) de 27 metros de lonxitude para alimentar o centro de transformación proxectado.

Segundo. Esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello de Redondela, a Axencia Estatal de Seguridade Aérea e o Servizo de Montes de Pontevedra. A empresa promotora manifestou a súa conformidade co condicionado emitidos polo Concello de Redondela e polo Servizo de Montes de Pontevedra.

A Axencia Estatal de Seguridade Aérea non emitiu condicionado técnico, entendéndose en consecuencia a súa conformidade coa autorización de construción da dita infraestrutura eléctrica, conforme o disposto no artigo 131 do Real decreto 1955/2000, do 1 de decembro, sen prexuízo da autorización que lle corresponda outorgar.

Terceiro. Mediante escrito do 21 de febreiro de 2022, esta xefatura territorial notificou a solicitude da autorización administrativa previa, a autorización administrativa de construción e a declaración de utilidade pública da referida instalación eléctrica ás persoas afectadas pola declaración de utilidade pública conforme a relación de bens e dereitos achegada pola empresa promotora, en concreto a CMVMC de Nespereira.

Cuarto. O proxecto someteuse ao trámite de información pública mediante a Resolución do 21 de febreiro de 2022 publicada nos seguintes medios:

DOG (Diario Oficial de Galicia): 16 de marzo de 2022.

Xornal Faro de Vigo: 14 de marzo de 2022.

Taboleiro de anuncios do Concello de Redondela: desde o 22 de febreiro de 2022 ata o 4 de abril de 2022.

Quinto. Durante o mencionado trámite recibíronse as aclaracións da CMVMC de Saxamonde, en que indica que a parcela (36045A03000177000WK) onde se situará o centro de transformación é da súa titularidade.

Sexto. O 10 de marzo de 2022, UFD achegou unha nova relación de bens e dereitos actualizada na cal figuran as dúas comunidades de montes anteriormente citadas como afectadas, e informou que se encontran en litixio pola titularidade da parcela.

Sétimo. O 23 de marzo de 2022, esta xefatura notificou á CMVMC de Saxamonde a solicitude da autorización administrativa previa, a autorización administrativa de construción e a declaración de utilidade pública da referida instalación eléctrica. Non se recibiron alegacións.

Consideracións legais e técnicas:

Primeiro. A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG nº 126, do 4 de xullo), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG nº 22, do 1 de febreiro).

Segundo. A lexislación de aplicación ao presente expediente é:

Lei 24/2013, do 26 de decembro, do sector eléctrico.

Lei 39/2015, do 1 de outubro, do procedemento administrativo común das administracións públicas.

Lei 40/2015, do 1 de outubro, de réxime xurídico do sector público.

Lei 3/2007, do 9 de abril, de prevención e defensa contra os incendios forestais de Galicia.

Lei do 16 de decembro de 1954, sobre expropiación forzosa.

Lei 9/2021, do 25 de febreiro, de simplificación administrativa e de apoio á reactivación económica de Galicia.

Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Real decreto lei 23/2020, do 23 de xuño, polo que se aproban medidas en materia de enerxía e noutros ámbitos para a reactivación económica.

Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Decreto do 26 de abril de 1957 polo que se aproba o Regulamento da Lei de expropiación forzosa.

Terceiro. As características técnicas da instalación son as que a seguir se describen:

Substitución do centro de transformación intemperie Campo Festa Nespereira por un centro de transformación compacto de 250 kVA, RT 15 kV/400 V, e LMT subterránea a 15 kV, con condutor RHZ1, de 27 metros de lonxitude, con orixe no apoio existente HVH-1600/11 no tramo RED7121102, e final no CTC proxectado. A instalación está situada no lugar de Coto de San Román, Saxamonde, Redondela.

Conforme con todo o indicado,

resolvo:

Primeiro. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada LMTS e substitución CTI Campo Festa Nespereira por CTC (expediente IN407A 2022/031-4), cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

Segundo. Declarar a utilidade pública, en concreto, da citada instalación eléctrica, o que leva implícito a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.

A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e logo da súa posta en servizo, co fin de garantir que en todo momento se manterán as condicións regulamentarias de seguridade. En todo momento deberán cumprirse as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante o vicepresidente primeiro e conselleiro de Economía, Industria e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 3 de agosto de 2022

Tomás Nogueiras Nieto
Xefe territorial de Pontevedra