Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:
Solicitante: UFD Distribución Electricidad, S.A.
Domicilio social: avenida América, 38, 28028 Madrid.
Denominación: reforma LMTA VLG807 no lugar de Casal.
Situación: Sanxenxo.
Características técnicas: retirada de 136 metros de condutor LA-30 no tramo VLG8071119 e retirada do apoio 9U6JAD96//40-1. Instalación de dous apoios de celosía: un C-1000/14 e un C-1000/16. Liña de media tensión aérea (LMTA) a 20 kV con condutor tipo LA-56 de 136 metros de lonxitude, con orixe no apoio proxectado C-1000/14 e final no apoio proxectado C-1000/16. As instalacións están situadas en Casal, na parroquia de Dorrón, no concello de Sanxenxo (Pontevedra).
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno 43, 36003 Pontevedra, no prazo máximo de trinta días, a partir da última publicación ou notificación individual.
O proxecto encóntrase á disposición do público para a súa consulta no portal da Vicepresidencia Primeira e Consellería de Economía, Industria e Innovación (http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.
Durante o dito período, calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
Pontevedra, 2 de agosto de 2022
Tomás Nogueiras Nieto
Xefe territorial de Pontevedra
ANEXO
Nº de expediente: IN407A 2022/278-4.
Denominación: reforma LMTA VLG807 no lugar de Casal.
Concello: Sanxenxo.
|
Nº |
Lugar |
Cultivo |
Referencia catastral |
Titular |
Apoio |
|
|
nº |
m² |
|||||
|
1 |
Viñiña |
Agrario |
36051A055016250000FK |
Descoñecido/a |
1 |
1,44 |
|
2 |
Canivelas |
Agrario |
36051A055015900000FL |
Descoñecido/a |
2 |
1,69 |
