Por Resolución desta alcaldía, do 2 de agosto de 2022, aprobouse inicialmente a modificación do estudo de detalle para ordenación de volumes e fixación de aliñacións de nave almacén e urbanización no ámbito do ETD-6 segundo as determinacións da redelimitación do estudo de detalle para ordenación de volumes e fixación de aliñacións de nave almacén e urbanización no ámbito do ETD-6, presentado Juan Mariño González e/n Inmobiliaria La Guardia, S.A. e redactado polo enxeñeiro de camiños, canais e portos Ángel Colsa Lloreda, asinado en decembro de 2021.

Conforme o establecido no artigo 80 da Lei 2/2016, do 10 de febreiro, do solo de Galicia, o estudo estará exposto ao público, na Xerencia de Urbanismo, durante o prazo dun mes, contado a partir do día seguinte ao da publicación deste anuncio no Diario Oficial de Galicia; poderán presentarse reclamacións ou alegacións nese prazo.

O documento inicialmente aprobado pode consultarse no taboleiro de anuncios da sede electrónica deste concello (http://sede.vilagarcia.gal).

Vilagarcía de Arousa, 3 de agosto de 2022

Alberto Varela Paz
Alcalde