De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, publícase o emprazamento aos herdeiros da persoa titular do documento nacional de identidade número 35373215C, para o trámite de audiencia ditado no expediente de reposición da legalidade urbanística PON/60/2021-RP1, en relación coas obras consistentes en construción dunha vivenda unifamiliar, no lugar de Arra, no termo municipal de Sanxenxo, provincia de Pontevedra.
O expediente relacionado atópase á disposición dos interesados na Axencia de Protección da Legalidade Urbanística, sita na rúa dos Camiños da Vida, s/n, 1º andar, Edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o devandito prazo, a notificación entenderase producida.
Os herdeiros disporán dun prazo de 15 días hábiles, contados a partir do día seguinte a aquel en que se producise a notificación deste anuncio, para alegaren e presentaren os documentos e informacións que xulguen pertinentes.
Para que conste e lles sirva de notificación aos citados interesados, en cumprimento do disposto no artigo 44 da Lei 39/2015, expido e asino este anuncio.
Santiago de Compostela, 29 de xullo de 2022
Jacobo Hortas García
Director da Axencia de Protección da Legalidade Urbanística