Antecedentes:

Primeiro. A Resolución do 18 de maio de 2022, publicada no DOG nº 107, do luns 6 de xuño de 2022, establece as bases de subvencións, en réxime de concorrencia non competitiva, para o fomento das artes escénicas e musicais nos concellos da Comunidade Autónoma de Galicia polos que discorren os diferentes Camiños de Santiago, con motivo do Xacobeo 21.22: Cultura no Camiño, e se convocan para o ano 2022 (código de procedemento CT302B).

Segundo. Na base cuarta, punto 1, indícase que a concesión das subvencións se tramitará polo procedemento de concorrencia non competitiva, de xeito abreviado ata o esgotamento de crédito de conformidade co previsto nos artigos 19.2 e 22 da Lei 9/2007, do 13 de xuño, de subvencións de Galicia.

Terceiro. Unha vez revisadas e ordenadas todas as solicitudes presentadas coa documentación completa, a última solicitude que se puido conceder antes do esgotamento de crédito tivo entrada no Rexistro Electrónico da Xunta de Galicia con data do 4 de xullo de 2022, ás 14.40 horas, co número 2022/1744813.

En virtude do exposto anteriormente, e de acordo co establecido no artigo 31.4 da Lei 9/2007, do 13 de xuño, de subvencións de Galicia,

RESOLVO:

Dar a coñecer o esgotamento de crédito, con cargo á aplicación orzamentaria 10.A1.432B.760.0, con data do 4 de xullo de 2022, ás 14.40 horas, da Resolución do 18 de maio de 2022 (DOG nº 107, do luns 6 de xuño), pola que se establecen as bases de subvencións, en réxime de concorrencia non competitiva, para o fomento das artes escénicas e musicais nos concellos da Comunidade Autónoma de Galicia polos que discorren os diferentes Camiños de Santiago, con motivo do Xacobeo 21.22: Cultura no Camiño.

Santiago de Compostela, 21 de xullo de 2022

Román Rodríguez González
Presidente do Consello Reitor da Axencia Galega das Industrias Culturais