Para os efectos de coñecemento dos interesados, ao resultaren infrutuosos os intentos de notificación, e en virtude do disposto no artigo 44 da Lei 39/2015, do 1 de outubro, do procedemento administrativo común das administracións públicas, mediante este anuncio notifícaselles ás persoas sinaladas no anexo o levantamento de actas previas á ocupación do expediente expropiatorio polas obras do Plan de seguridade viaria de Galicia 2016-2020: MSV no contorno TCA na estrada PO-504 p.q. 1+300 a 3+000, de clave PO/18/115.06, que terán lugar na Casa do Concello de Sanxenxo o día 21 de xullo de 2022.

Ao acto deberán comparecer as persoas propietarias ou titulares de dereitos sobre bens afectados, por si mesmas ou representadas por unha persoa debidamente autorizada, exhibindo o seu DNI/NIF, así como os documentos que acrediten a titularidade que invocan.

As persoas poden tomar vista do expediente no Servizo Provincial de Pontevedra, sito na avenida Mª Victoria Moreno, 43, 1º (Pontevedra), das 9.00 ás 14.00 horas.

A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado (BOE).

Pontevedra, 12 de xullo de 2022

Manuel Ángel González Juanatey
Xefe do Servizo Provincial de Pontevedra

ANEXO

Predio	Ref. catastral	Persoa interesada	Día	Hora
5	36051A04700353	Souto Fernández, herdeiros de Albino Saturnino	21.7.2022	11.15
9	36051A04300079	Martínez Torres, Elisa Esther	21.7.2022	12.15
11	36051A04300373	Padín Blanco, Otilia	21.7.2022	12.45